الدائرة السوداء ⚫

قاعدة لمار على كرسي في جنينة الحفلة سرحانة وفجأة .. جه شخص من وراها لابس أ**د ومنزل الزونت على وشه حط ايده على بوقها وهمس في ودنها بصوت واطي "وافقتي تتجوزيه .. لكن ياترى هو هيوافق يتجوز آنسة حامل ! " لمار برقت ولسة هتحاول تبص تشوف مين اللي مكتفها طلع منديل من جيبه حطه على وشها خدرها وسابها ، اتلفتت وراها وهي مدروخة عشان تشوف مين اللي كان واقف ... اختفى زي الدخان *وقعت في الأرض فقدت الوعي * $ فلاش باك قبل كام شهر $ صحيت لمار من النوم فتحت عيونها العسلي على نور الشمس اللي مالية اوضتها واللي منورة وشها اللي أصلا بشرته فاتحة وبعد ما اتمطعت فجأة برقت وبصت في الساعة لقيتها ١١ اتنطرت من ع السرير وصوتت سلللللللللللمى ???? صحيت سلمى مفزوعة : ااااايه يازفتتتتتة لازم كل يوم تصحيني مخضوضة لمار : الساعة ١١ قومي روحي شغلك بسرعة هتتأخري فريدة داخلة بتروق : مخلفة بنتين أ**ل من بعض معرفش جايباكوا منين انا لمار : صباح الخير ياروح قلبي تعالي اما ابوسك ?? فريدة : خلاااااص هتخلعي خدودي من مكانها ، يلا عشان تفطروا انا جهزت الفطار دخلت لمار الحمام ظبطت نفسها وخرجت لبست هدومها عبدالله أخوها : ايه اللي انتي لابساه دا معلش ! لمار : ايه يا عبدالله لابسة هدومي عادي عبدالله : ياشيييخة كنت فاكرها هدوم الجيران ? اااايه اللي لبساه دا ? لمار : في اااايه انا لابسة دريس وطويل كمان عايزني ألبس ايه عبدالله : اه طويل بس ضيف من فوق ياماما لمار : حرام عليك بقا يا عبدالله سيبني في حالي مش معقول هتفضل تعترض علي كلللل حاجة ألبسها او اعملها كأن مش وراك غيري عبدالله : ادخلي غيري البتاع دا من غير كلام كتير لمار بنرفزة وتكشيره : حاااااضر هدخل اغيره دخلت لمار تغير الفستان سلمى : حرام عليك يا عبدالله كفاية بقا انت كل مدى بتضغط عليها زيادة البت هتطفش منك عبدالله : اطلعي انتي منها بس عشان لولا انك اكبر مني كنت عملت كدا فيكي انتي كمان سلمى : ?? ربنا يهديك خرجت لمار وقعدوا يفطروا هي وفريدة امها وسلمى وعبد الله فريدة : ايه يا سلمى أخبار شغلك ايه سلمى : والله ماشية يا فوفا لو المدير يخف عليا شوية بس هتبقي فل ?? لمار : تعالى مكاني انتي بس في محاضرة ٨ الصبح وانتي تعرفي إن مديرك أرحم بكتير ? سلمى : بكرا تتخرجي ياختي متستعجليش عبدالله : ولا متتخرجش يعني هي هتضيفلنا ايه لمار بزعل : طيب انا خلصت فطاري هنزل أروح الجامعة بقا نزلت تروح الجامعة وواقفة تشاور للميكروباص جت عربية فرملت قدامها شباك العربية اتفتح شاب بشرته قمحاوية عيونه فيها القسوة وفيها البراءة في وقت واحد طويل ، جسمه مظبوط مش تخين ولا رفيع قلع النضارة وبص للمار .. هتركب مع حد غريب والعبدلله واقف من صباحية ربنا مستنيك يا غزال ? لمار : يووسف ?? انت ايه اللي جابك تحت البيت كدا يا مجنون انت يوسف : اه صح ازاي تفوتني دي ? كان المفروض اطلع اخدك من فوق انا قاري فاتحتك يا هببببببلة ? لمار : تصدق نسيت وربنا ??‍♀️? يوسف : طب اركبي يلا عايزك في مشوار لمار : مشوار ايه دا انا ورايا كذا محاضرة يوسف : كنسلي اول واحدة واحضري الباااقي يا لمار متحسسنيش انك خلاص مقطعة الكتب ?? جريت لمار تركب العربية وهي بتضحك مشيوا بالعربية ونزلوا عند الكورنيش يوسف : وحشتيني اوي لمار : انت وحشتني اكتر والله ، جيت في وقتك كنت محتاجالك اوي يايوسف ? ياسين : مالك ياحبيبتي متدايقة ليه كدا لمار : من يوم موت بابا الله يرحمه عبدالله مش سايبني في حالي ، بيتدخل في كل حاجة وعايز يق*فني في عيشتي بأي طريقة وانا بسكت عشان مش عاوزة اعمل مشاكل بس انا تعبت اوي والله ياسين : طيب وانتي ليه محكيتيش ليا الكلام دا قبل كدا لمار : مكنتش عايزة اوحش صورة أخويا قدامك بس انا دلوقتي بجد نفسي افتح قلبي واتكلم مع اي حد .. نفسي ابويا يرجع تاني لو للحظة بس اترمي في حضنه واشتكيله من اللي حصلي من ساعة ما مات يوسف بنظرة حزن شديدة وبعد ما حط ايده علي ايديها : انا جنبك يا حبيبتي ، متزعليش ولا تشيلي في قلبك كلها شهور وتتخرجي ونتجوز واعوضك عن أي حاجة وحشة شوفتيها .. تعالي بقا اشربك عصير المانجا من الراجل اللي بتحبي تشربي من عنده دا ? وبعدين اوصلك الجامعة *في الكافيه * دخل عبدالله الكافيه وهو متجه ناحية ترابيزة معينة قاعدة عليها بنت جميلة جداً عبدالله : اتأخرت عليكي ؟؟ منة : لا اتأخرت ايه دول يادوبك ساعتين ونص عبدالله : معلش الطريق كان زحمة منة : انا بس نفسي لما تعرف إنك هتتأخر متخلينيش أنزل بدري واتذنب زي كل مرة مادام وراك حاجة عبدالله : ما خلاص بقا يا منة خلصنا منة : ..... ماشي انا اسفة عبدالله : اد*كي خليتيني ازعق اهو ع الفاضي ? خلاص ياستي حقك عليا منة : المشكلة اني مبعرفش ازعل منك اصلا .. هُزُق بقا تقول ايه ?? عبدالله : بزمتك في هُزُق قمر كدا منة : خلاص بقا في ناس حوالينا ? عبدالله : طيب انتي أكيد فاكرة اتفاقنا بقا ها .. علي ميعادنا النهاردة بالليل في المكان اللي قولتلك عليه منة : أموت وأعرف بتخطط لأيه ? عبدالله : هتعرفي وقتها ? يلا انا همشي بقا عشان عندي شغل منة : علي طول كدا .. يا عبده انا ملحقت أقعد معاك نص ساعة حتي عبدالله : أعمل ايه طيب ما قولتلك شغل .. لو بمزاجي ما كنت قعدت منة : خلاص ماشي ربنا يوفقك عبدالله : يلا قومي عشان اوصلك منة : لا مش هينفع ، لا يوسف يرجع من الشغل فجأة ولا حاجة ويشوفني معاك وتبقى مصيبة عبدالله : لا ياماما متقلقيش اخوكي مع لمار من بدري ? منة : وانت زعلان ليه كدا عبدالله : عشان بدأت اتخنق من الدخول والخروج الكتير دا زههههقت ها منة : حرام عليك يا عبده ما تسيبهم ياخدوا راحتهم دول حتى في حكم مخطوبين عبدالله : اد*كي قولتي في حكم مش مخطوبين يعني ، وعموماً لو مش عايزاني اوصلك براحتك يلا انا ماشي سلام خرج عبدالله من الكافيه .. منة ب**رة ونظرة حزن : ربنا يهد*ك ياحبيبي لو عجبك أول بارت في رواية "الدائرة السوداء" حط كومنتات كتير وقول رأيك عشان يوصلك البارت التاني في أقرب وقت ❤️?