الدائرة السوداء ⚫

الفصل الثاني ❤️⚫

*في الجامعة*

*داخلة لمار وعيونها بتلمع من الفرحة بعد ما سابت يوسف علي الباب وفي ايديها شوكولاتاية منه لقت صحابها في وشها

*نادين : انتي فيييين يابنتي كل دا انا تليفوني شحنه خلص من كتر ما اتصلت بيكي طب عبريني

*لمار بخجل : مخدتش بالي والله ???

*بقيت الشلة : اهااااا مخدتيش بالك ??

*لمار : ايه ياجماعة فيه ايه دا خطيبي ها ???

*جه من بعيد شاب طويل اسمر حاجة بسيطة وبنضارة ماسك في ايده شنطة أكل

*أحمد : حمدالله على سلامتك يا لمار

*لمار : الله يسلمك يااحمد عامل ايه طمني ايه طمني عليك

*أحمد : زي الفل الحمدلله ، كنت بجيب فطار ليا افتكرت إنك لسة مجيتيش وكالعادة هتيجي بتجري وجعانة فعملت حسابك معايا ??

*لمار : دايما بتحرجني بكرم أخلاقك اقسم بالله ? بس انا للأسف فطرت قبل ماانزل والله معلش ، مرة تانية بقا

*أحمد بزعل : خلاص ماشي علي راحتك ?

*نادين : تعالي يالمار عايزاكي في حوار كدا

بعد ما سابوا بقيت الشلة ومشيوا خطوتين بعيد

لمار : ايه يانودي في حاجة ولا ايه

نادين : كنت عايزة اسألك علي حاجة كدا

هو انتي امبارح حوالي الساعة ٤ ونص كدا كنتي بتكلمي احمد ؟

لمار : أحمد مين !!

هو انتي امبارح حوالي الساعة ٤ ونص كدا كنتي بتكلمي احمد ع الواتس ؟

لمار : احمد مين !

سلمى : احمد زميلنا يابنتي

لمار : واتس ايه مانتي عارفة يانادين اني مجتش الجامعة امبارح عشان كان عندي جلسة تنظيف بشرة وخلصت وروحت مع سلمى تخلص الورق اللي كانت عايزاه للشغل ، وانا أصلا باقتي خلصانة من أول امبارح بالليل ولسة مجدداها من شوية

ليه بقا ؟؟

نادين : غريبة اوي دي

لمار : هي ايه اللي غريبة ؟

نادين : اصلنا كنا في الجامعة هنا وسبت احمد في الكافيه وخرجت اعمل تليفون رجعت لقيته بيسجل فويس نوت وفي وسط الكلام بيقول يالمار ! وانا اللي أعرفه انك لا معاكي رقمه ولا معاه رقمك ولو اخدتيه اكيد انا اول واحدة هعرف يعني

لمار : ايه دا غريبة فعلاً !! طب تعالي نسأله

نادين : لا لا نسأل ايه خلاص بقا كبري تلاقيني سمعت غلط ولا حاجة

سابتها لمار وسرحت لثواني تفكر في اللي نادين قالته وبعدين رجعتلهم تاني طلعوا المحاضرة .. طول المحاضرة عيون احمد متشالتش من على لمار ، بس هي كالعادة مش حاسة ولا واخدة بالها ومركزة في المحاضرة وشرح الدكتور

*قدام عمارة يوسف *

نزل يوسف من عربيته وفتح باب العمارة وداخل لقا في وشه * يسرا جارته في الشقة اللي قدامهم *

يسرا بابتسامة عريضة : ازيك يا يوسف عامل ايه ??

يوسف : بخير الحمدلله .. انتي أخبارك ايه

يسرا : طالما شوفتك بقيت بخير بردو ?

يوسف وهو بيلف عشان يطلع : طيب استأذنك طالع اجيب حاجة بسرعة عشان سايب الشغل

يسرا : طب استني بس كنت عايزاك في حاجة

يوسف : ايه يا يسرا اتفضلي

يسرا بدلع : كنت عايزة اسألك انت بتجيب البرفيوم بتاعك دا منين ?

يوسف : نعم ؟

يسرا : متفهمنيش غلط بس بصراحة كل مرة بشم ريحته وانت طالع او نازل بحس إنك جايبه من مكان كويس وبرفاناته بتثبت.. دا ريحته بتثبت في العمارة ع الأقل ساعتين بعد ما تمشي

يوسف : جايبه من المول اللي جنب الشركة اللي شوفتيني فيه مرتين قبل كدا .. بالصدفة طبعاً

يسرا : وياترى لو روحت هعرف أجيب ريحة تعجبني زي ريحتك كدا

*بتقرب عليه وتقرب مناخيرها من القميص بتاعه*

فجأة مسكها من دراعتها زقها بعيد

يوسف : اه يا يسرا أكيد هتلاقي ريحة تعبجك بإذن الله شوفي رايحة فين بقا عشان متتأخريش ، عن إذنك

سابها وطلع فتح باب الشقة واول ما دخل راح علي المطبخ اللي كالعادة أمه واقفة تطبخ فيه .. دخل باس دماغها وايديها

يوسف : وحشتيني ياروح قلبي

أمه : يابكااااش وحشتك ايه دا انت لسة نازل من ساعتين تلاتة ??? إلا صحيح انت رجعت ليه مش كنت المفروض رايح عالشركة بدري عشان عندك اجتماع ?

يوسف : اه منا لقيت الاجتماع اتأجل فعديت علي مرات إبنك المستقبلية خدتها امشيها شوية بقا استغلالاً للموقف ?

أمه : ايوووة بقا إذا كان كدا كنت أجز من الشغل خالص النهاردة *قربت عليه * الراجل ملهوش غير مراته ?

يوسف : ايه دا هي مش كانت الست ملهاش غير بيت جوزها تقريباً ?

أمه : لا ماهي اتغيرت دلوقتي يا لمض ??

يوسف : ?? اومال فين منة مش ظاهرة ليه كدا

أمه : خرجت من وش الصبح قالتلي هروح مشوار سريع واجي

محمد : وانا مليش نفس حد يسأل عليا ولا انا ابن البطة السودا بإذن الله ??

يوسف : وانت مسخوط ياخويا عشان نسأل عليك

محمد : والله انا حاسس إنكو متبنييني ?? استناني بقا لو رايح الشركة بفنش لبس كدا وهاجي معاك

يوسف : اشطة ، هنزل استناك في العربية

*في كافيه الجامعة *

قاعدة لمار مع اصحابها بتشرب النيسكافيه بتاعها و بتضحك فجأة جالها رسالة علي تليفونها ، فتحت الرسالة .. يوسف باعتلها لوكيشن وكاتب تحته

*I'm waiting for you.. please come without any questions ❤️❤️*

سابت الفون واستغربت شوية ، وبعدين ابتسمت وقامت وقفت

لمار : طيب ياجماعة انا مضطرة أروح بقا عشان مصدعة اوي والله

نادين : ليه يابنتي ملحقناش نقعد

لمار : معلش بقا نعوضها بكرا بإذن الله

أحمد : طيب انا كدا كدا كنت قايم أروح ، تعالي اوصلك في طريقي ?

لمار : ...احم ، لا لا ملوش لزوم يااحمد انا هروح علي طول

أحمد : ليه بس منا معايا العربية بدل ما تتبهدلي في المواصلات

لمار : معلش انا هكون مرتاحة كدا اكتر ، وبعدين مفيش بهدلة ولا حاجة انا هطلب اوبر هييجي علي طول .. ميرسي يااحمد هعتبرها حصلت والله ... يلا باي باي ياجماعة

بص أحمد عليها وهي ماشية بتركيز كدا وبعدين اتلفت لنادين

أحمد : بقولك ايه يا نادين

نادين بعيون بتطلع قلوب : قول يااحمد

أحمد : تعالي نقوم كدا عايزك في حوار صغير

نادين : يلا بيننا ?

راحت لمار علي اللوكيشن اللي بعتهولها يوسف .. ولما وصلت لقيته أوتيل فخم جداً واول ما دخلت وصلتها رسالة تانية من يوسف

"لو توقعاتي مخابتش بعد معرفة بيكي سنتين ، زمانك وصلتي .. أول ما تدخلي الفندق هتلاقي واحد هبعتلك صورته حالاً قوليله انا لمار وهو هيوصلك "

عملت زي ما قالها بالظبط وفعلاً طلعت والراجل قالها دا الجناح بتاعك

ولما دخلت ...