الدائرة السوداء ⚫

الفصل الثالث ❤️⚫

جناح كبير اوي ، و مجرد ما دخلت من الباب الأرض كلها مليانة ورد أحمر من اللي بتحبه .. بوستر كبيييير عليها صورتها .. شاشة عرض بيتعرض عليها بقيت صورها وصورهم مع بعض هي ويوسف .. بلالين كتير مكتوب عليها

❤️I love you lolo❤️

ترابيزة عليها عشا رومانسي وجنبه لوحة مكتوب عليها

Marry me ?❤️

وقفت لمار مصدومة وعينيها مدمعة من الفرحة ، وفجأة حد جه من وراها حط ايديه الاتنين علي عيونها وهمس بصوت واطي

Marry me

شالت ايديه من علي عينيها ولفت وشها وبصتله .. " وفي حد عاقل يرفض واحد زيك يا يوسف

يوسف : كنت هلبسك الشبكة يوم الخطوبة قدام كل الناس .. وفجأة حسيت إن ع الاقل محبس خطوبتك لازم يتلبس في يوم مقدس بطريقة مقدسة تعلم في ذاكرتك ومتنسيهاش مدى الحياة

بصتله بفرحة رهيبة وهي دموعها نازلة ومش قادرة ترد عليه من جمال الموقف

طلع من جيبه محبس دهب أبيض ومسك ايديها ولبسهولها ، وباس ايديها ...

من أول يوم شوفتك فيه وانا كنت حاسس ، لا كنت متأكد إني غرقت في تفاصيلك ومش هنجى تاني .. من أول يوم بصيت في عينيكي وانا حياتي اتشقلبت وحساباتي اتلغبطت ، موازيني كلها اتقلبت ومبقاش فيه حاجة بتعدلها غير النظرة في عيونك تاني

حبيت كل حاجة فيكي لدرجة إني بقيت حاسس إن الحب اتعمل ليكي انتي ، بقيت مش متخيل ان ممكن شخص تاني يحب شخص تاني .. الحب اتعمل عشاني انا وانتي بس

ولو ربنا طول في عمري بعد اليوم دا هكتب كتاب وهسميه بإسمك عشان أعلم الناس الحب بيكون إزاي

وفي اليوم دا واللحظة دي يوسف السوهاجي هيسلمك حياته بكل حاجة تخصها ملك في ايد*كي انتي ، لأن مفيش اي مخلوق في الكون دا أحق بالملك دا غيرك

لمار : لو كنت أعرف إني لما اتعب في حياتي ربنا هيرزقني هدية بالجمال دا ، كنت دعيته أعيش حياة أصعب من دي بس يقربك مني اكتر ويجمعني بيك في الدنيا والآخرة ، انا بحبك اوي يا يوسف ومفيش أي كلام يقدر يوصف إحساسي ناحيتك

يوسف : مفيش حد بيحب حد قد مانا بحبك اقسم بالله .. يلا ناكل بقا عشان الأكل هيبرد ??

قعدوا يتعشوا وفي وسط الأكل يوسف جاله رسالة على تليفونه فتحها ...

يوسف بينه وبين نفسه : منة هنا !!!

يوسف : طب استنيني هنا ياحبيبتي ١٠ دقايق بالظبط وراجعلك تاني .. كلي كويس علي مااجي ها ?❤️

لمار : ماشي ياحبيبي هستناك ، متتأخرش

*بعد ساعة ونص *

لمار نايمة ع الأرض فاقدة وعيها .. فتحت عينيها وبدأت تفوق وتبص حواليها

لمار : انا ايه اللي منيمني كدا ! فين يوسف ... *بتبص حواليها * يوووووسف ، انت فين يا يوس... اااه دماغي وجعاني كدا ليه ??‍♀️

بدأت تتعدل وتقف علي رجلها وهي دايخة وبتطوح ، مسكت تليفونها واتصلت بيوسف *التليفون غير متاح* فتحت الباب وخرجت راحت للراجل اللي وصلها للجناح

لمار : لو سمحت مشوفتش يوسف اللي كان معايا هنا

الراجل : انا شوفته من حوالي ساعة ونص كدا كان خارج من الجناح بيجري ومخضوض كدا حتي انا قولتله عايز اي خدمة مردش عليا ومشي بسرعة

لمار : !!! غريبة اوي ، طب ممكن توقفلي اي تا**ي معلش أروح بيه عشان تعبانة شوية

ركبت التا**ي وفضلت تحاول تتصل بيوسف تليفونه مقفول بصفة مستمرة .. بصت للخاتم اللي في ايديها وافتكرت مشهد ما كان بيلبسهولها

لمار : انت فين يا يوسف بس .. انت عارف اني بتوه من غيرك ومبعرفش أتصرف ليه بتحطني في الموقف دا ، طب ع الأقل طمني عليك أو اديني أي إشارة أعرف بيها إنك بخير

وصلت البيت طلعت ودخلت علي اوضتها علي طول غيرت هدومها وقعدت علي السرير .. بعد شوية دخلت عليها سلمى

سلمى : ايه يابنتي ايه اللي اخرك كدا ودخلتي قعدتي في الاوضة من غير ماتقولي إنك جيتي حتي

لمار : سلمى أنا حصل معايا موقف غريب جداً ومش عارفه اعمل ايه

سلمى : حصل ايه يابنتي متخضينيش

لمار : هحكيلك

*بعد ما حكيتلها *

لمار : ولحد دلوقتي مش عارفة أوصله ??‍♀️

سلمى : ايه الكلام دا ! يوسف مش مستهتر يعني عشان يسيبك في موقف زي دا ويمشي أيا كان الظرف اللي حصل معاه كان هيقولك يعني

لمار : مش عارفة ياسلمى والله

سلمى : طب هقولك علي حاجة .. لو مظهرش لحد بكرا نروح انا وانتي بيته يمكن حد عنده يعرف حاجة

لمار : ماشي ياريت

علي دخلة فريدة : يعني لما انتي جيتي مقولتيش ليه عشان اجهز العشا ?

لمار : معلش ياماما جاية مرهقة شوية ومصدعة .. اتعشوا انتو وانا هنام شوية

فريدة : لا طبعااا مفيش الكلام دا قومي يابت كلي

سلمى : سيبيها سيبيها هي فاكراني هسيبها تنام بسهولة كدا دا انا هعملها ازعرينا هنا في الأوضة ??

قامت سلمى قعدت تزغزغ في لمار لحد ما قامت تتعشى معاهم ، ومازالت عمالة تتصل بيوسف تليفونه مقفول خلصت عشا ودخلت تقعد في البلكونة ، وهي باصة للسما وبتفكر تليفونها رن رقم غريب

لمار : الو ..

.... : ازيك يالمار

لمار : مين معايا ؟؟

أحمد : نسيتي صوتي ولا ايه !

لمار : أحمد ؟

أحمد : اه أحمد .. قولت أكلمك أشوفك بقيتي كويسة ولا ايه

لمار : كويسة ! اشمعنا يعني

أحمد : اصل ا.... اصلك كنتي بتقولي إنك مصدعة وتعبانة فقولت اتطمن عليكي

لمار : اهااا .. تسلم يااحمد انا كويسة الحمدلله ، كانوا شوية صداع وراحوا لحالهم

أحمد : امم طيب دا رقمي ابقي سجليه بقا

لمار : !! حاضر هسجله ، عاوز حاجة تاني

أحمد : ... لا عاوز سلامتك

لمار : سلام

أحمد : سلام

قفلت معاه ورجعت بصت للسما

"انت فين يا يوسف "

*تاني يوم الصبح *

نزلت لمار وسلمى راحت لبيت يوسف خبطوا علي الباب خرجت أم يوسف تفتح الباب

أحلام : أهلا أهلا ايه النور دا تعالو ياحبايبي أدخلوا ?

لمار : ازيك ياماما اخبارك ايه ❤️

أحلام : زي الفل ياحبيبتي تعالوا بس أدخلوا وبعدين نسلم ??

*دخلوا قعدوا في الصالون *

أحلام : عاملين ايه بقا طمنوني عليكوا

لمار : بخير ياماما الحمدلله طمنيني علي صحتك عاملة ايه

أحلام : الحمدلله نحمد ربنا علي كل اللي يجيبه ... يامنننننة ، خطيبة اخوكي واختها جم تعالي سلمي عليهم

بعد دقيقتين دخلت منة عليهم وشها أصفر ومتوترة سلمت عليهم

لمار : مالك يامنة انتي كويسة ؟

منة : اه اه ك... كويسة طمنيني عاملة ايه

سلمى : طيب احنا ممكن ندخل بقا في الموضوع علي طول بدل ما نطول في الكلام وننسى الموضوع الأساسي

أحلام : خير ياحبيبتي في حاجة ولا ايه

لمار : متعرفيش حاجة عن يوسف ياماما ؟

أحلام : لا والله هو امبارح خرج راح الشركة وبعد مدة كدا بعتلي رسالة قالي احتمال يبات في الشركة

منة بتوتر : هو مكلمكيش من امبارح ولا ايه

لمار : يوسف كان معايا امبارح وفجأة اختفي ولحد دلوقتي معرفش عنه اي حاجة ، عايزة اتطمن إنه كويس ع الأقل

محمد وهو داخل الأوضة : اتطمني يا لمار .. يوسف كويس

لمار قامت وقفت : عرفت عنه حاجة يامحمد ؟؟؟؟

محمد : ....

لمار : ما تتكلم يا محمد فين يوووسف ؟ هو بخير طيب .. مشي امبارح ليه من غير ما يعرفني ؟؟

محمد : يوسف سافر يا لمار