"BROTHER!" Kaagad na nanigas ang likod ni Zia nang marinig ang pangalang ibinulalas ni Lucero. Ibinuka pa nito ang dalawang braso at sinalubong ng abot hanggang tainga'ng ngiti ang kadarating lang na kakambal.
Pakiramdam ng dalaga ay biglang nanuyo ang lalamunan niya. Inabot niya ang baso niya na naglalaman ng kulay asul na alak at deretso iyong ininom. Namimilyo ang ngisi na umangat ang isang kilay ni Lucero, na hindi niya alam na nakatingin pala sa kanya, nang makita ang ginawa niya.
Madilim naman ang mukha at nagngangalit ang mga bagang na sinundan ng bagong dating ang ibinaba niyang baso, saka muling ibinalik sa dalaga ang matiim na tingin.
Si Mildred ay alanganing pinaglipat-lipat ang tingin sa kanya at sa mga bagong dating.
Umangat muli ang tingin ng nakangisi pa ring si Lucero s
