Isang malungkot na balita ang gumimbal sa lahat ng tao sa mansyon. Si Caroline na ang nagsabi sa kanila at halos higitin niya ang kaniyang hininga nang sabihin ang mga salitang iyon. Mabigat sa kaniyang loob na ibalita ang tungkol doon.
Namahinga na panghabang-buhay ang pinakamatanda at nagsisilbing mayordoma sa mansyon ng mga Montenegro. Napuno ng kalungkutan ang lahat dahil sa pagpanaw ng taong nagsilbing gabay at mabuting magulang sa kanila. Inaasahan na ng lahat na mangyayari iyon ano mang oras ngunit hindi pa rin maiwasang malungkot at mapaluha ng mga ito. Kahit sino ay malulungkot kapag namatayan.
Tahimik lamang na nakaupo si Caroline sa isang tabi. Hinanap ng paningin niya si Evelyn ngunit hanggang ngayon ay hindi niya pa ito nakikita. Dapat ay naririto ito ngayon. Nasaan si Evely
