•Persephone•
Kanina pa ako naghihintay dito kay Xia. Hindi ko alam kung dadating ba siya ngayon, pero maghihintay pa rin ako rito.
"Persephone," Mula sa pagkakayuko ay tumingala ako para tingnan kung sino ang tumatawag sa akin. "Naghintay ka nga talaga."
"Para ito sa asawa ko, kaya makakaya kong maghintay," mariin kong sagot sa kanya.
Umupo naman ito sa kaharap na upuan at tiningnan ako ng masama. Maganda si Xia, hindi iyon maipagkakaila. Kung hindi kami ikinasal ni Hades ay tiyak kung magkakaroon na sila ng sariling pamilya.
"Anong kailangan mo sa akin?" seryoso niyang saad. "Kung sa tingin mo ay hahayaan ko kayong dalawa ni Hades na mamuhay ng payapa, ngayon pa lang sasabihin ko na sa iyo na wala kang makukuha sa akin."
"Xia, hindi mo ba alam na nakakasira ka ng relasyon—" Napati
