Nawala na ang antok ko matapos ang tawag na iyon ni Sheena. Binagabag na naman ako ng takot. Nag-aalala ako kay Drew pati sa nanay niya.
Wala namang sinabi si Sheena kung bakit isinugod sa ospital ang ina ni Drew. Iyon lang daw ang nabalitaan niya sa katrabaho niya sa kompanya.
Bumangon ako at nagtungo sa kusina para uminom ng tubig. Napapailing na lang ako sa takbo ng mga pangyayari. Ang akala ko ay maaari na akong ipakilala ni Drew sa mga magulang niya ngayong tapos na ang grand opening ng boutique. Iyon lang naman kasi ang hiniling ko sa kaniya.
Nangako ako at pumayag na makilala ang mga magulang niya kapag naitayo ko na ang boutique. At least kahit papaano ay may maipagmamalaki akong negosyo kahit maliit lamang iyon bukod pa sa gift shop. Isa rin kasi sa mga opinyon ko sa buhay n
