Kinaumagahan ay nagkita-kita kaming muli ng mga kaibigan ni Drew. Kasabay namin sila nang mag-almusal sa restaurant na pag-aari mismo ng hotel. Katulad kagabi ay panay na naman ang tukso nila sa amin ni Drew na tinatawanan ko lang dahil ayokong mabuking ang pagpapanggap ko. Paninindigan ko ang pangako ko sa kaniya kahit ngayon lang na kaharap ang mga kaibigan niya.
Pero sa isang banda ay hindi ko maintindihan ang kilos ni Drew. Nagbago iyon simula kagabi matapos kaming kumain ng hapunan at may palagay ako na dahil iyon kay Ryan. Simula kasi nang mabanggit ang pangalan ng huli, ay masyado na siyang agresibo. Naging extra sweet at panay-panay na lang ang pangyayakap at pang-aakbay niya kahit hindi naman namin kaharap ang mga kaibigan niya. Minsan ay bigla na lang akong hahalikan kahit na ma
