HERA
Kanina ko pa tinititigan si Constantine. Hindi kasi ako makapaniwala na binisita niya ako ngayon. Kung panaginip lang ito ay ayoko ng magising pa.
"Bakit ka nandito?" malamig kong tanong sa kan'ya.
Umiwas siya ng tingin sa akin. "Pinag-alala mo ako, sabi kasi ni Chito noong nakaraang araw ay malala daw ang lagay mo." mahinang sambit niya.
Hinawakan niya ang kamay ko at masuyo niya itong hinalikan. Gusto ko siyang ipagtabuyan ngayon pero may parte sa puso kong huwag gawin ito. Ilang months rin na hindi kami nag-uusap.
"Tsk, nahimatay lang ako kaya nila ako dinala sa ospital."
Ano na naman kaya ang sinabi ni Chito kay Constantine? Kaya siguro naiinis si Camilla sa kan'ya ay dahil sa pagiging chismoso niya. Hindi ko alam na isa rin siyang sugo ni Aling Marites sa kabilang kanto.
