Tahimik lang ulit ako na nakamasid kay Crisler habang nagpo-photoshoot siya. As usual naka-upo lang ako sa isang upuan habang pinagmamasdan ko siya.
Seryoso ang mukha niya habang kinukuhaan siya ng litrato, mayroon din na pinapangiti siya kaya naman lumalabas ang biloy niya.
Nawala ang paningin ko kay Crisler ng tumunog ang cellphone ko, kinuha ko iyon sa bulsa ng pants ko bago ako lumabas ng kwarto kung saan nagpo-photoshoot si Crisler. Si Inspector Dela Cruz ang tumawag sa akin kaya sinagot ko agad iyon.
"Ciara, mabuti naman at sinagot mo na," bungad niya sa akin. Napakunot noo naman ako sa kaniya.
"Bakit?" Tanong ko sa kaniya.
"Iyong suspect sa misyon mo, nasa hospital ngayon at malala ang tama, nasaksak ito, mabuti na lang ay nakita ito ng bantay kung hindi ay baka namatay na
