Pagsilip ko sa likod ng malaking kurtina ay para akong nalula sa dami ng estudyante. Nasa stage na kami ng malaking conference hall ng school at tanging kurtina lang ang nagtatakip sa amin.
Pero sa oras na itabing ito ay bubungad na sa aming harapan ang lahat ng estudyante ng junior high. Ngayon na ang meeting de avance. Ang pinakahuling paraan para makilala ako ng ibang estudyante.
Nakita ko si Veronica na nakaupo lang sa kanyang silya. May hawak syang papel at parang may kinakabisado. Alam kong magaling sya sa mga ganitong bagay. Napakagaling nya magsalita. Nakukuha nya ang loob ng mga nakikinig sa kanya sa oras na magsalita sya. Ito ang kanyang kalakasan.
Samantalang ako. Ito ang kauna unahang pagkakataon na magsasalita at haharap sa maraming estudyante. Wala akong ideya kung ano a
