أرهابي

انفجار

" ‏كيف يمكن للمرء أن يصبح هشّا إلى هذا الحد؟ كيف يمكن للكلمات أن تدعس على الروح وكأنها ضرب مبرح. " ..

#زينب علي ..

#ارهابي..

_____

ديانا.. نظرآته تصعد وتنزل بعيوني لخشمي لخدودي لگل انشّء من وجهي دگـ گلبي بخوف واني اشوف نظراته نحدرت لشفايفي ..

عمر.. هممم راح تفيدنا هواي..

لزمني بسرعه من شعري گعدني بالگاع اديه مگبله واحسّ بالگعب جرح اقدام رجليه اباوع عليهم وهمه يشيلون جثته لسليم نزلت دموعي واحاول اكوم ما ما اكدر..

'' اتـركووو الله ياخذك حقراء "!! صرخت بگاء

حچه واحد منهم وهو يفتح الباب..

ياسر.. خلي اذبة واجي اعلمچ شلون الحقاره تصير"

" چلب نگس حيوان "!! استفزيته بغل..

اباوع عليه ترك جثة واجه علية لـزمني من شعري وضربني بوجهي على حلگي حسيته نزف من جديدة..

ياسر... لا اموتچ بنت الگحبه "!

يضرب بگل مكان واني احسّ بـ وجهي وجسمي تگسر لفتُأت ناعمة ما اكدر ادفعه ولأ ادافع عن نفسي

واني مگبله واديه خدرت.. غمضت عيوني انفاسي تصعد وتنزل.. بتعب..

عمر بجمود.. اترگها..

ترگني وضربني على بطني صرخت متوجعه...

" ما سمعت لسانها خليني آشرب من دمها " برر إله

اقترب منه عمر برود " روح ادفنها للجثة ولسانك ضبة وأيدك الزمها شويه " همس ..

بالكوه رفعت نفسي من الگاع اباوع عليه تأفف ..

دار وجهه عليه..

ياسر بـ تحذير.. بسيطة بنت القندر..!

ابتسمت من بين دم بوجهي بخبث.. حبيت استفززه.. اجه يرجع عليه بس ابو عيون الخضُر نظرة وحده منه گانت كافي انو تبعده ويروح يجره لسليم اباوع عليهم فتح الباب والدنيا ظلمه واصوات الچلاب ..

بدات تضرب إذني ضوه الغرفه ماله الطين..

خفيف والبرد آقشعر كل جسمي تگورت بجسمي..

ودموعي تنزل واني اشوفهم يحفرون حفره ويدفـنون سليم شهگاتي بدات تعلئ وهمه يخلون التراب فـوگا... اوف يا سليم الله يرحمك الله يرحمها لسمر.. لإ ما اخذ حقكم وثارگم من عيون هل حثالة اطلع مـو ديانا بسيطة مسحت دموعي بـحدهً.. اباوع عليهم دخلوا هذا الچلب سامر وثاني ما اعرف اسمه ..درت وجهي لأبو عيون خضر سلاحه بيدة واكف يم شباك البيت وعيونه مصّوبه لبرآ.. گأني شايفته بمگإن بس مدا اذكر وين.. يمكن مجرد اوهام..

" شراح نسوي ابو النار؟ " سال العار..

منو ابو النار؟ دار وجهه ابو عيون الخضُر..

" بس يهدي الجو نروح لبيت الجد "

جاوب ابو عيون اها هو ابو نار .. رجع سأل ثالث وهو يمسح تراب من ملابسه

" شوگت ؟"!

رد ابو نار وعيونة أجت عليه " مضل شي ونطلع"

سال ياسر" وشراح نسوي بهاي"! آشر عليه

عيونه علية وهو يمشي گعد گبالي وسلاحه بيده..

" راح نشوف اذا تفيدنا نخليها واذا ما فادت "!

بسلاحه طلعت طلقة من شعري عبرت للحايط حسيّت جسمي رجف.. وگل گلبي نبض بداخل ص*ري بخوف..

بيني وبين الموت شعره جان..

رجع حجه " نقتلها "

نزلت دموعي بخوف واحسّ نفسي داخل وحوش بشريه ومو بعيدة يقتلوني ويشمرون جثتي للچلاب.. لازم اشرد من هل ورطه هسه نينه وصلها الخبر واكيد راح تموت علية.. مسّحت دموعي مو وقت الضعف ديانا انتي قوية ومو هذولي يأخذون منچ قوتچ.. اباوع عليهم الكل واكف واسلحتهم بيدهم وعمر گبالي كاعد وراسه علئ حايط.. نظراته عليه ولا تنزل داحسّ يخترق روحي مو عيوني.. كـ إنه فاقد شي.. ما احسيت الإ عيوني نازل بنعاس.. نمت من الخوف ومن الجوع ومن التعب والإرهاق.. مدري شگد حسيت نايمه لحد ما رفعت من زندي بقوه.. امشي واتعثر بالگعب ....هذا العار لآزمني..

ياسر ..امشي عدل وبسرعه لإ اگسرهن لرچليج !"

ضربني بالگاع وطين رجع اخذني.. من شعري رفعت گعبي ونبته بنص حذائه بقـووة..

" اخ بنت القندررة "!! صرخ متوجع وهو يطفر من مكانه

شمرني بالگاع وآجه عليه يضرب لزمته من من حذائة وبحرگه وحده شمرت ظهره بالطين..

" اهلك القندرة "! صرخت

اباوع لثالث يضحك بجنون وهو يضم الاغراض بسيارة وعمر اجه عليه رجعت بخوف للورا من نظراته الحادة..

" هـ هو هو شمرني بطين "! تلعثمت

جـرني بسرعه من شعري صرخت بـ ألم ..

وبسرعه شمرني بسيارة انضرب راسي بالچام ..گتمت وجعي بـ آديه المگبله لمو الاغراض والعار كام بس شنو ظهره گله طين مثل وجهي وعيونه عليه بشرار ..وانطلقنا بسيارة ما اشوف شي غير سواد وهمه گلهم كعدو بالاماميه.. يم سايق ما اشوف شي.. ولا اكدر احدد وين احنه الچام مضلل اسود والمگان يخنك.. مسّحت طين من وجهي بسترتي ومديت اديه نزعت الگعب بالكوه اباوع لرجليه گلها دم ومجرحه وتراب ﻻن لبسته لمده طويله...وكفت سيارة انفتح الباب عمر جرني من شعري..

" اخ شعري اترگني "!! توجعت

عمر بجمود.. إشش ولا نفس !!

دفعته بسرعه من آيده رفع حاجبه انتبهت عنده طبرة بالحاجب ..وشعره اسـود مثل الليل بشره برونزية سمره مثل ابطال هوليوود.. لو انسان عادي چان وكعت بحبه.. اقترب مني وجرني من شعري بقوه اكثر .. برود فتح باب مليان بـ اشجار انتبهت احنا نفس المكان بستان هذا لو شنو؟ فتح الباب دخلني جوإ من شعري اول شي صاله هاي؟ بيها مكتبه صغيرة وكرسي هزاز.. دخلنا واني افـرك ادية بخوف ممرّ صغير هو ضخم منا انحصرت بينة وبين الحايط .. رفعني من ظهري وشالني من الگاع خلآني كدامه..

" نـ نزلني "! خفت

غطيت بـ اديه بطني طلعت من رفعني نزلني ومشيت كدامه جريت البدي استر بطني.. وصلنا لغرفة صغيره .. فتح الباب اباوع لواحد كاعد بيها رجال چبير بألعمر وكـدامه مكتبه صغيرة وبيها اوراق ..

ونفاضه مليانه بقايا جكاير.. ابتسم من شافهم ..عبر عمر من يمي وحظنه..

الجـد.. الحمدلله على سلامتك حفيدي..

جاوبة وهو يحظنه.. " الله يسلمك جدي "

اجـوي هذولي باسو ايده گعدو.. وهو انتبة علية..

الجد.. منو هاي؟

جاوبه العار..

" وحده دكتوره خطفنها من السجن..

رد عليه " وليش؟"

جاوب عمر بهدوء " تفيدنا جدي اني خطتفها بدون ليش"

هز رأسه الجد گعد بهدوء " ليش سويت هوسه يلا طلعت اكدر اطلعك بسهولة من السجن "

ابتسم بشرود.." حبيت ألعب شويه وياهم"

ضحك الجد " عمر اعرفك متحب العب اكو شي غير هذا! ؟

هز رأسه بـ لا ابو عيون الخضُر..

" شنو ممُل لهل درجه اني وما العب "

رد ياسر العار..

" تحب تلعب بنار بس مو شغلات تافهه مثل هاي "

عيونه اجت عليه رجعت للورآ بسرعه لعيوني تربگني .. جاوب بجمود..

" لعبت وانتهى الموضوع "

نبض كلبي بخوف شنو قصده؟ وليش عيونه هيچ عليه..

رد الجد ..

" بعد شگد لعملية الانفجار "!

عمر.. بعد كم ساعه "

ياسر.. وين بيا منطقه؟ سال

الجـد.. بمنطقه البياع شباب متجمعة بگهوه.. اسمها ** "

انطا التفاصيل والمكان واني ارجف كدامهم دخيلك ياربي راح يقتلون ناس .. اباوع عليهم وهمه يتفقون عمر عيونه علية تمشي بحذر .. رجعت للورا اكثر وفتحت الباب بسرعه وركضت حافيه بالممُر.. دموعي تنزل بحرگه وعيوني اشوف بيهن بس الانفجار.. فتحت باب صاله مسدود ضربته واني ابچي..

'' افتح افتح افتح خرب "!!! بچيت

حسّيت بـ أيد انمدّت ومن شعري بـ ثانيه وحده لويتها ودفعته من گتفه انتبهت عليه عمر.. ابتسم بمكر وهو يلزم گتفه..

" قويه " همس

" اشوفك اكثر قوتي بس اذا تفتح ادية " رديت بصراخ

طلع شي من جيبه واجه مقترب مني لزمها لأديه وفتح الگلبشه من يدي .. وعيونه عليه اباوع لياسر وثاني ورا واكفين..

ياسر.. شگلنا راح نشوف موتها عن قريب.. شتكول محمد!

رد محمد .. " هل بنيه قويه نسيت الضرب الأكلته منها " ضحك

عمر ونظراته اليه.. " شوفيني قـوتچ يلا يمهّره ..

فرگت اديه مكان الگلبشه اباوع عليهن دم ومجرحات.. وهو عيونه عليه بتحدي.. من كل عقله ديصارع بنيه؟ وهو بهذا الجسم الضخم.. تن*دت اكثر واني افّر رجلي وبضربة وحده اجت بص*ره رجع للورا…

محمد.. افإ وگع ابو النار !!

ابتسمت واني اشوف نظراته علئ ص*ره.. صرخت واني آضربه بطنه بس لزمني منها ورفع حاجبه.. وبـ ثانية وحده ضربته گله بقوه ورجلي بالمنطقه الحساسه ثانيه..

ياسر.. اوووف توجع عن تجربه احجي ''

محمد.. الله يبعدني عنها هههههه..

ما حسّيت غير بس انسحلت من شعري حاولت افگه.. لزمني بـ اثنين ادية وراسي علئ حايط صار.. وگل جسمه يضغط على جسمي..

انفاسة الحاره تضرب على رقبتي وأذني..

'' قويه بس مو عليه " همس..

صرخت " عوووفني "!!

ادفعه احاول ماكو اختنكت من الحايط وجسمه.. رجع همس بـ اذني..

عمر.. إششش ما اريد إذيچ آثبتي ..

صوته فعلآ خلاني اهدئ تنفست براحه وهو يتركني.. درت وجهي بسرعه واباوع علية طلع وهمه ورآ كعدت بالگاع ابچي شراح يصير بيه اكثر اباوع لنفسي تراب وطين ودم متروسه ملابسي ..نينه هسه شحالها عليه اكيد سمعت انخطفت ياربي احفظها إلية لا يصير بيها شي اموت وراها والله.. مسحت دموعي واني اشوفهم اجوي ﻻبسين اسود گله وعمر هم.. ولأبس شفقه سوده وبيدهم جنط رفعني من يدي وجرني.. ورا

" وين ما خذيني "! صرخت

ولا واحد رد علية دفعني بسيارة وسد الباب ضربته للچام..

" الله ياخذكم يا سفله "!!

ضربتها للچام اكثر من مره ماكو اخر شي گعدت واني اتنفس بضعف راح يفجرون اكيد بس شلون.. رايحين همه؟ يعني يموتون نفسهم.. انتحار ياربي دخيلك.. تحركت سيارة بسرعه واني كاعده بنفس المكان دموعي تنزل بحراره راح يموتون هواي عالم.. اليوم واكثريتهم شباب ! وبگهوه كاعدين شنو ذنبهم لازم اكو الگة حّل.. حسيت سيارة وگفت بسرعه انفتح الباب وجـرني منها العار ياسر لنفس المكان الجيت منه واباوع لشمس عاليه صارت… جرني ودخلني ورآ.. شمر عليه بطل مي.

ياسر.. اغسلي مي واشربي بسرعه..

فتحت البطل وشربته گله ميته عطش معقوله هل حيوان حسّ بية.. شربته وتركته بالگاع اباوع لعمر ماكو .. بس محمد وياسر.. شمر بطل ثاني..

" غسلي وجهچ زين قطرة دم لو وصخ ما اريد مو چفتي مثل المطي" صرخ بيه

عقدت حاجبي واني اشوف صديقه يطلع گامرة ..

ويفتح بيها شديسون؟ دخل ابو عيون خضُر..

اني بسرعه غسلت وجهي وفرگته من الوصخ والدم.. شمرت البطل الفارغ بوجهه العار..

اجه علية..

" بنت الچلب "!!

دفرني بطني گتمت وجعي وعلى وجهي ابتسامة ماگره.. لو اموت لو اموت. اليوم.. مسحت وجهي..

بطرف سترتي واني اشوف عمر طلع فونه وبدا يخابر خلصت مكالمته ..و اقتربو مني ثلاثتهم رجعت للورا بخوف..

عمر.. ابدي صور محمد..

محمد.. تمام جاهز..

ما ادري شنو صار بس صورني واني احجي وهـددني بـ عائلتي يقتلهم واحد واحد.. اذا فگرتي تسوين شي .. وخلوني احجي انو اني مشاركه بعملية ارهابية وياهم وگل ما تنزل دمعه يضربني العار راشدي وارجع صور من جديد.. كل هذا ما همني ..

بس شغل بالي منين عرف عمر عني كل هل معلومات .. ياربي ويامن تورطت.. بسرعه اخذوني وصعدت بسيارة غيرها ومبين كولشي من چام صعد عمر بالگرسي الامامي وياسر يسوق ومحمد يمي .. اعتقد انگتم صوتي بعد واني مهدده بعائلتي.. ونفسي.. اباوع لطريق بي سيارات صارت ومكان عام.. واني دموعي تنزل .. معقوله مكان الانفجار هذا… لازم اشوف حّل وما اخليهم يفجرون بس شوووون؟

عمر .. وقت الانفجار…

_____

يتُبع باليل…