أرهابي

أنفجار

كأنني انشر الظلام على كل من حولي..

ومن يقُترب من عزلتي..

#زينب علي ..

#أرهابي ..

_____

" منو انت !"

رفعني وسلاحه برآسي ما اكدر اتحرك واني اسمع اصوات صراخ العالم والطلق بدآ بنهش براسي گبل أدية وگسر رجلي وكعدت بالكاع كاتمه وجعي.. اباوع اشوف الكل نفس الحاله وهمه اكثر من اربعه ملثمين فوك رؤوسنا منين اجوي ومنين دخلووو؟

" شنو مراح نطلعّ؟"! صرخ واحد بيهم

" لا خليني نشوف اذا الانفجار انتهى"

حجه الوراية ابو عيون خضُر بنبره جامده..

صوته رجّف گلبي بكل كيانه اباوع عليه اتحرك..

وصل للباب مدّ راسه فتحه شويه وسلاحه بيده انتبهت عنده وشّم علئ طول ايده الايسره ..

ومغطيه كل ايده بالكامل وما رگزت بالوشم شنو.. ملثم وعيونه بس طالعة .. دخل بسرعه ..

'' كل واحد يلزم سلاحه وعلى راسهم خلواا "!

صرخ ابو عيون الخضر واجه علية رفعني من الگاع وسلاحه تحديداً بنص راسي من ورآ.. ثواني وان**ر الباب.. وجنود والجيش بالمقر والكل واكف..

" اتركوهم والكم الأمان "!

ضابط بدا يحجي حسّيت بلمسه جرتني من خصري لص*ره الصلب نبض گلبي..

" الأمان معدوم عندكم لا تحجون بي سيارة اريد بسرعة !!''

صرخ بنبره غاضبه.. اباوع للكل الجنود ملثمين بشي اسود وسلاحهم موجهينه علينآ واكو وراهم دخان وصوت اسعاف وناس هوسه رجعني للورا ويا..

" سيارة قبل ما افجر هل السجن على رؤوسكم و رؤوسنا "!

رجع حجه ..جاوبه الضابط " الك سيارة بس اترك الاطباء وممرضات ماشي ؟"

حسيته تن*د " تمام يلا بسرعه! "

صرخ ضابط " سيارة بسرعه الهم دبرو"!

ركض الجندي وهو يضم سلاحه بـ احزامه دفعني من كتفي ..معناها تحركي تحركت واني ادية مگبله وگلبي بدا ينبض بحده ..يمشي ورايه وجماعته كل واحد كدامة طبيب .. آشر بسلاحه ..

" وخـرو من طريق حظرة النقيب كول لجنودك الطريق آمان اريده لا ادز واحد وطلقه براسه "

هز رأسه النقيب " وخرو من الباب بسرعه "!

جرني ويا من شعري وسلاحه براسي قفل الباب برجله كدام النقيب.. شمرني بالگاع ..

" متاكد راح تجي السيارة ؟" سال واحد منهم

اباوع عليه هز رأسه " اذا ما جابوها انطيهم جثة من هذولي " آشر علينا..

صرخت سمر بخوف وهي تبچي ضربها الفوك راسها بسلاحه.. اني قريب علية ضربته برجلي بيده ..وگع سلاحه بالكاع ..

" بنت الساقطه "!! صرخ

هجم عليه ابتسمت بمگر واني اضربه بگعبي بمنطقه الحساسه هي موته لو مـوتين.. وگع بالكاع يصرخ بـ ألمِ اقترب ثاني عليه وسلاحة سحبه وخلا براسي..

" اوگف سامر"

رفعت عيوني لابو عيون خضُر اقترب مني دفع صديقه وگعد گبالي على رجل وحده عيونه حـاده ومليانه ظلام غرگت بحرهم بسرعه..

'' راح نطلع جثة شگلنا وبهل سرعه "

يحجي وعيونه تمشي ببطء على وجهي عقدت حاجبي من كلامه ما حسّيت الإ رفع سلاحه وعيونه بعيوني وطلقة طلعت من مسدسه براس سمر..

" لا سمر!!!!" صرخت بقهر

رجفّ گلبي واني اشوف الدم بدا يجري من راسها وگعت بالكاع حسّيت بدموعي نزلت..

" سمر اكعدي سمر !" صحت عليها

اسمع صوت الجنود برا اصياح وصوت دكتور سامي يصرخ ويبجي دمها بدآ يترس المكان رفعت عيوني من بين دموعي اباوع اله واكف يم الباب.. وظهره عريض ..

" الله ياخذك حقير وصخ "! صرخت بقهر

اجة علية الضربته وفـر وجهي براشدي رفعني مره ثانيه... يضرب تفلت بوجهه وضـربته گـله.. رجعته للورآ وهو لـزم لخشمه ضحك صديقه عليه..

" واحد عار "! همست

ما حسيت الإ يگوم وضربني بطني كتمت وجعي وهو يدفر بكل مكان بطني معدتي وجهي.. ما اكدر اقاتله واني مگبلة ادية ..

" نهايتچ علئ ايدي بنت القندره "!

لزمني من شعري بقوه وسلاحه بنص گصتي ..

دمعت واتشاهدت انفاسي علت وقت الموت.. اجا صوتهُ.. الجامد

" اترگها "

" ماتستاهل تعيش "! صرخ العار

رجع رفع حاجبه برود " گلت اتركها "

هز رأسه مطيع ودفعني بالگاع علئ وجهي بالكوه گدرت اعدل جسمي واگعد حسّيت بخشمي نزف دم هو حلگي.. اباوع لسليم ودكتور سامي رجال جبير بالعمر وعنده اطفال هم وسليم خاطب وعلى ابواب زواج شصار بينه معقوله نموت زين الجيش شنو شغله ليش ما يطلعنه طمني بعيونه دكتور سامي .. هزيت راسي ودموعي تنزل درت وجهي لسمر دمها يمشي بالگاع مريه چبيره ومتزوجه وعندها اطفال اثنين.. الله يرحمها يارب.. درت وجهي انفتح الباب..

" الكم الأمان وسيارة وصلت بسَ الاطباء الناً بعد"

النقيب حچاها وعيونة اجت لسمر بقهر رفعني من زندي وسلاحه براسي وهمه نفس الشي اخذو سليم وسامي آشر ان يـوخرون من الباب تحرك النقيب واحنا وراً وابو عيون خضُر سلاحه براسي ويمشي واصدقائه ورآ الكل محاصر المكان بالكوه طلعنا من الهوسه والعالم والجيش مجتمعه والاسلحه موجهه علينا حسّيت نفسي داخل فلم اجنبي اكشن دفعني من گتفي..

النقيب.. اترگهم وطلعوا بسيارة كافي !"

ضحك ابو عيون خضُر وسلاحه حسّيته راح يدخل بجمجه مالتي .. صرنا دائرة كدام الجيش ..

'' مراح اترك واحد اذا ما اشوف الاسلحه تنزل والقناصين الفوك يشمرون اسلحتهم بالگاع "

أشر النقيب للقناصين وبسرعه وگعت سلاحهم بالكاع .. لزمني من بطني وجـرني لص*ره بقوه..

النقيب.. اعتقد سويت الگتلي عليه اتركهم وهسه"!

اباوع للجنود الگل سلاحه بيده وعلينا مصوبه..

عيونهم تحجي غير شي مو مال استسلام ابدا..

معقوله مواجهه هنا تصير ونروح احنا برجلين ..

نينه تموت ورايه لا ياربي طلعني من هل سالفه .. صوت قوي هز الگاع وگعت وكع الگل همه واسلحتهم ..

" يلا بسرعه!! "

صرخ ابو عيون وهو يرگض للسيارة والهوسه بدات ..

والدخان سيطر على مكان اختنكت وضليت اگح ما اعرف وين الطريق واني اشوف بس دخان ابيض.. وهوسه ورمي فوك راسي.. حظنت نفسي بخوف وگعدت بالكاع متگوره على نفسي راح اموت نهايتي قربت.. عيوني دمع والدخان دخل للرئه مالتي اتنفس بقوه وماكو حسّيت بيد رفعني وشمرتني داخل سيارة جيب للجنود انتبهت لسليم ويايه وايده متصوبه ويصرخ من الم..

" بيك شي سليم وين تصوبت "! صرخت علية

سليم.. ديانا ايدي ديانا اخ... "

توجع وايدة تنزف دم لزمته من ايده بسرعه شگيت ملابسه عليه بالگوه لان ادية مگبله فتحت المكان طلقة نابته بـ ذراعة...

بسرعه شديت مكان الجرح علمود ما تنزف اكثر.. وهو يتوجع بـ الم.. درت وجهي واني اشوف السجن هوسه واحنا داخل سيارة ما حسيت الإ سيارة تشتغل وتحركت المشكلة ما اشوف منو سايق لان جيب وسودة من ناحيه السايق زين احنا ليش هنا؟ رمي ورانا خلاني اضم نفسي بـ ادية ويمي سليم يتوجع ..

سليم بـ الم.. راح اموت اخ "!!

اباوع الايده تنزف بغزاره وعاض شفته بـ وجع ..صرخت خايفه واني اضم نفسي جوآ الگشن الرمي احسّه قريب علينا.. ياربي هاي نهايتي اموت بسيارة جيش وما اعرف شنو الطريق كدامي... حسيت الرمي خف والمكان تحول لهدوُ فجأه .. رفعت نفسي من جوآ الكشن..

'' اصبر سليم مضل شي واعالجك "!

طمنته واني امسح قطرات العرگ من جبينه ..

" راح اموت بعد ما اكدر " توجع

" إششش اسم الله عليك راح اعلاجك تحمل انت دكتور وتعرف هل منطقه متموت "

هز رأسه بخفه وعيونه نزلت دموع منهم ضربت بالجام السايق ..بـ ادية

" طلعونا منا صديقي راح يموت "!

ولا رد وما اكدر اشوف شي غير سواد زين وين دكتور سامي؟ معقوله مات؟ لا ياربي رحمتك.. وگف الطلق تماماً وماكو ولا صوت ولا هوسة ورانا ..

ما اعرف شگد ضلينا نمشي بسيارة لحد ما حسيت نفسي اديه ورجليه نمّلت من الگعده وصريخ وسليم گاتم وجعه ونزيف اخذه.. امسّح بوجهه ودموعي تنزل..

د سليم.. ديانا ر ر اح امـ مـوت ما اشـ شـوف شي بعد "

هزيت راسي " اسم الله اسم الله سليم اتحمل ابوس ايدك لحد ما نوصل ونشوف وين احنا بس اتحمل ولا تغمض عيونك خليك ويايه سليم ''

بچيت ما اريده يموت سليم بس هو الاهله واجه ورا كومه بنات وخاطب على حبُ وديحضر لعرسه ..

صرت اضرب بالشباك اضرب بچام واصرخ ماكو.. صوت

'' افتحو الباب "!

ولأ صوت غير بس سيارة تتحرك وين احناً ..

شنو صار بيناً وين راح السجن وين راح ابو عيون الخضُر.. تقريبا مّرت شي نص ساعه وگفت سيارة حسيتها لزمت سليم من ايده..

" راح نطلع اطمن اتحمل بس شويه"

هز راسه بوجع " تـ تـمام "

ابتسمت واخيراً راح انطلع مسحت دموعي وجهي والدم بطرف سترتي شويه وانفتح الباب.. فتحت عيوني واني اشوف نفسَهم السجناء!

" وين احنااا"!! صرخت

جرني من شعري وطلعني من سيارة اباوع لمكان ..

اشجار كومه وحده بصف وحده وماكو ولا بيت.. ياربي دخيلك وين احناا واني وين درت وجهي لصوت سليم.. نزلو من سيارة ايده على جرحه ومگبله اديه.. مشينا وهما ورنا اديه مگبله والگعب موتني وطريق عثر وسليم دمه اخذه ..لزمته من عضدة بالكوه امشي.. اباوع عليهم همه نفسهم.. بس ابو عيون خضُر وين.. ما اكدر اميزه واني اشوف الجو بدا يصير اسود.. زين وين الدكتور سامي ؟

ليش جابونا هنا؟ وين الجنود؟ وين احناا وليش احنا وياهم؟ بيت من طين وكفنه كدامه فتح واحد منهم الباب ودفعونا ليجوآ اباوع واني احسّ بالموت يفتر فوك راسي.. شفتهم دخلو كلهم وطبگو الباب...

نزع واحد لاثام مالته وشمره " احلى عيشة واخيرا الحريه"

انتبهت للثاني شمر الاغراض والاسلحه بصفنه..

" انطي عمري كله علمود هيج حريه " گعد بالكاع

اباوع لثالث هو اعتقد ابو عيون خضُر وخر الاثام من عيوني وشمره بالگاع وعيوني اجت داخل عيوني.. ارتبگت وسيطر عليه الخوف.. درت وجهي لسليم

سليم.. ر ر راح اموت "!

مسحت علئ وجهه درت وجهي الهم " اريد اطلع طلقه انطوني الأدوات "!! صرخت بيهم

ابتسم واحد بشر وكف جر سلاحة من الگاع.. وبـ ثانيه وحده طلقة استقرت بنص گلبه لسليم ..صرخت علية واني اضمه...

" سليم لا لا "!!!

استهترت واني اشوف دمه نزف منه بغزاره وعيونه .. انقفلن.. بيجت علئ ص*ره ..

واني احسّ بنهايتي قربت...

" يعني دكتوره وحده كافي مو؟ " سال القتله

رفعت عيوني بغضب ودموع اموت بـ شجاعه ولا جبانه.. وكفت بسرعه واني اضم اديه واضربه برجلي جرني بسرعه من شعري واحد من ورآ.. ولطنشي بالباب نفسه ابو عيون الخضُر.. وملامحة حـاده..

سامر.. اقتلها عوفني عمر !

ابتسم بوجهي بجمود وعيونه تمشي على وجهي.. ارتبكت من نظراته.. ودموعي تنزل...

عمر.. هل دكتوره صارت سلاحنه بعد..

حجه ثاني " ليش منو صعدها بسيارة غيرك عمر!

سامر.. " اني مصعدت احد صعدت بنفسي وهل عار المات لگيته موجود "!

نظراته تمشي علئ وجهي عبالك مضيع شي .. عيونه الحاده وترتني وين اني ليش اخذني من شرد؟

اخاف يسوي اليه شي؟ ليش لعد جرني؟ بس اني! بذات .. ليش صارت حياتي هيج..!!

رجع حجه..

عمر... راح تفيدنا هـووواي

______

يتبُع..

راح يبدي الاكشن والحب وجرئه ?