أرهابي

ديانا… اني ديانا عمري ٢٥ سنه.. دكتوره عام.. اشتغل بمحطه غريبه شوية بس شغلنا احنا على سجون ..نتفر عليهم بجوله تفقدي كل اسبوع نشوف شنو محتاجين.. ومنو مريض .. من خلال عملي كـ دكتوره واشوف الدم بكثره.. مات گلبي وصار مليان قوى واكف بوجهه اكبر واحد.. واذا فكر يقلل من حقي لو غلط عليه.. لا هاي احسب الله ما خلقه اهجم عليه گارتيه.. وغيرة.. من تايكوندو.. العبهن من اني بعمر.. 19 سنه .. اضطريت وقتها العب هيج اشياء.. ﻻن أني بهل دنيا ما عندي احد ولا سند .. عايشة اني ونينه.. هههه بيبي... ام ابـوية.. بالبيت.. من بعد مات بابا واني بطن امي.. وانوب امي تزوجت.. ومسافره هي زوجها اعتقد.. وما سألت عليه فد يوم… ولا عرفت اصلا وجهها غير من الصور.. نينه ربتني وكبرتني وعلمتني القوه.. بهل حياة.. وانو اذا وگعتي راح ياگلـوچ… عندي اخت اكبر مني. اسمها منى وحده ما عندي غيرها ولا اخ ..متزوجه واحد تعبان ونسونجي.. عايشين يمنه بسبب انو همه ما عندهم بيت.. كعدتهم نينه تكول خطيه اختج ما اعوفها.. المهم سكتت اني تبقى اختي.. نينه ما عدها غير بس بابا واخته وكعدت عليهم وعمه اخلاص متزوجه بمحافظه وكاعده بيها هي وزوجها وولدها.. ما تجينا هواي مدري ليش… من خلال عملي كـ دكتوره هواي شباب ودكاتره.. طلبو مني الزواج او حب بس اني جان جوابي لا.. ممنوع لا حب ولازواج.. اكره اكثر شي بالحياة هو زواج والحب.. بربكم تبقون وي واحد طول عمرك.. تخدم بي وهو اصلا ما يفكر غير بس بطنه واحتاجيات جنسية…. صرت اشتغل بمستشفئ ** ببغداد… ومنوبات.. لليله ..بعدين خلونا بين فتره وفترة نروح للسجون نتفقد صحتهم واذا اكو امراض معدية.. ومن هل حجي.. ما طول المده غير كم ساعه ونطلع.. بس احنا شنو لازمين گلبنا بيدنا… اني الماخاف خفت من منظرهم بسجون... من افحصّ واحد ياكلني بعيونه القذره… واكو بيهم نوع مسالم انظلم ودخل للسجن غلط.. واكو شرير الدخل بعمليات كبرئ.. اليوم الخرب حياتي ودمرة دخل عليه.. " عمر " خربها لحياتي وكلب كياني.. كلّه.. ارهابي .. بعمليات كبـرئ ومخيفه تقشعر لها الأبدان تورطت ويا واني مالي سبب.. صرت اركض واحاول اطلع نفسي من هل ورطه .. بس كل شي صار يرجعني اله…. حبيته وحبيت كل شي بي… انقلبت الف درجه حياتي من روتين عادي وممُل.. لركض مطارده بين شوراع بغداد.. واعالج جرحات الارهابين….. _____ هل قصة قديمه كتبتها… تستحق تظهر لـ علن.. بس قصيره… احزور واقعيه لو خياليه؟