أرهابي

ارهابي

#ارهابي

_____

ديانا.. اسمع صووت منبه مزعچ فتحت عيوني على خفيف.. مديت ايدي شمرتة اقصد طفيته جريت نفسي بالگـوه من سريري الحُلو دافي المريح..

وگبل للحمام غسلت وجهي فرشت اسناني..

طلعت بدلت قميص ابيض بروسوم ورده ناعمه..

لبست بنطرون جينز .. دخلت القميص جوآ البنطرون.. رفعت شعري ذ*ل حصان نزلت كم خصله..

رسمت عيوني بـ ايلاينر مثل القطه.. رسمت شفايفي.. بحمره بالون ترآبي فاتح.. ومسگاره وبـس.. لبست حذآئي الگعب الاسود.. واخذت بعلاكه ثاني من نيكّ..

اذا تاخرت اليوم بالمستشفى.. ما اتحمل الگعب.. نسيت العطر رجعت رشيت شويه وطلعت... نزلت للمطبخ..

- صباح الخير .. نينه..

بوستها من خدها..

- صباح النور والخير يا بعد امچ ..يلا اتريكي تعالي..

ديانا.. كعدت صبتلي چاي بگوب اخذته " شو ماكو منى.. والعار زوجها"؟

نينه.. ولچ يمه عيب هل حجي لا تسمع منى وتزعل..

ديانا بملل.. تاكل تبن تزعل علئ شنو وهي تعرف زوجها كل زين واحد تعبان وطايح حظه.. المهم شو ماكو هما؟

نينه .. راحت للدوام وبدون ما تحط لگمه بحلگها ومهند ماكو مختفي من البارحه...

ديانا شربت من كـوبي.. ليش ما انتظرتني اني اوصلها؟..

نينه.. مدري يا يمة راحت اول ما خليت چاي على نار تكول مستعجله... ما لحيت عليها اني هم ..خليها شويه تغير جوأ من تطلع..

ديانا.. اكلت جبن وشربت چاي گله وگمت بوستها .." يلا حبييتي اروح اني تاخرت"

نينه.. ولچ ما اكلتـي بس لگمه

ديانا.. اكل بـ الكفتريا المستشفى اذا جعت عندي عملية ولاده وما اريد تأخر... بستها بخدهآ.. يلا مع سلامة..

نينه.. الله وياج حبييتي ديري بالچ على نفسج ..لا تسوقين بسرعه..

- ماشي..

طلعت ركض فتحت باب الگراج واجه بوجهي العار..

مهند.. صباح الخير يا وجه الخير..

ديانا ..اليشوفك يشوف خير.. شنو هل ريحه الزفره؟ رجعت للسّم هذاا مهند!!

مهند بضحكة.. يايمه صارت عصبيه ڤاندام.. شراح يخلصك مهند!

ديانا بقهر.. شوكت تبطل هل سم ترا لو تسمع بيك منى ورب تتخبل "!

مهند .. يعني انتي خايفه علية ومو هتمه اليه بس اشو اختچ ما مبين عليها.. عبالك رجال تطلع من صبح للجامعه وتدرس ومو تگول هذا رجلي اسأل عليه ..

ديانا.. اذا انت مخلصها بس نسوان وعـرك شلون تهتم هي الك!!

مهند.. اسأليها هي البدت بهل شي وهي خلتني اروح ادور نسوان وشرب... مو كله صوچ بيه دكتورتنآ الحِلوه...

ديانا.. دفعته من كتفة ورحت صعدت بسياره.. وانطلقت للمستشفى الجدال ويا عقيم.. واحد تعبان واختي شلون رضت تتزوج بي.. لا وانوب على حب.. يابه شكد اكرهه للحب.. بعد تقريباً شي نص ساعه وصلت للمستشفى طبگت سياره ودخلت .. لبست ملابس العمليات... عندي عملية ولاده لازم هسة وقتها.. اخذت كل شي احتاجه عقّمت ادية ولبستني الممرضة الگب لخشمي... اباوع على المريضة تبچي..

- ليش خايفه عيوني .. هاي اول عمليه الچ؟

- لا والله دكتوره هذه بطني سادسة..

ديانا بتعجب.. لعد من شنو خايفة؟ ماما

المريضه بقهر.. اخاف لا تطلع بنية ورجلي يطلگني.. شسوي بس ابچي.. ضليت

ديانا رفعت حاجبي.. عفواً وشبيها البنيه؟ هاي نعمه بدأل متشكرين رب العالمين على رزقة دتبجين ومقهوره..

المريضه.. والله يا دكتوره رجلي مخبل يكول اريد ولد يشيل اسمي شنو فايده البنات.. اني هم ما بيدي شي عليه وضليت احبل لحد ما سطرتهنّ خمسه وهل بطن سادسه وحتى ما اخذت سونار اخاف تطلع بنية...

ديانا بغضب ناعم.. مثلا البنات شبيهن ما يشيلين اسم الاب لا تنسين حتى هو طلع من بطن ام.. عقولكم هاي وعقل زوجج تحتاج لتعيقم بديتول تعرفين ليش؟ لان البنت محد يگسرها غير ابوها واهلها... نعمه البنات واني اتمنى انو رب يرزقچ بنيه هسه.. وشخصياً اريد اشوفه واكـوله انو احنا نعمة الله...

سكتت ما حجت اشرت.. للطبيبة التخدير تبلش بيها...

شكد اكرهه هل عقول المتحجره بنات منريد ولد يشيل اسمي.. اسمك بالكاع حتى يشيله شهل عقول ياربي.. خدرتهآ وبديت بالعمليه..

- سچين ناين..

سلمتني الممرضه.. فتحت بطنها بهدوء.. " قلل الضوآ الاخضر وخلي تحديداً بطنها.. "

الممرضه.. تمام دكتوره..

- مشط للقص..

انطتني يا فتحت بين زوايه البطن.. وبين مده قصيره كدرت امّد يدي.. مليانه دّم واطلع رجليه للطفل.. جريته ..

- المقص ..

اخذته وقطعت الحبل السري.. سلمته للممرضه ورجعت خطيته بطنها.. " الخيط "

كملت كلشي وعقمت ادية وطلعت ..فضول اخذني اشوف شنو ولد لو بنية..

ديانا.. ولد لو بنت؟

الممرضة.. بنية دكتوره.. تخبل ما شاء الله.. اروح ابشر اهلها..

ديانا بقهر... الله يكون بعونها وي هذا المريض..

طلعت من الباب ثاني ودخلت لمكتبي طلبت چاي.. وراجعت بعض تقارير... شويه وانـدك الباب..

قتيبه.. اليوم من وكت خلصتي عمليتج.. ؟

ديانا.. اي قابل انام يعني.. مثلك .. طلعت لساني اله..

قتيبه كعدت گبالها.. ههههه منو الاقدم منچ.. بس صرت ما افيد بوجودچ... لازم اتقاعد...

ديانا بضحكه.. اي اتقاعد لان كبرت وصرت شايب عوزك بس عوچيه ومرّه تگعدون كدام صوبه وتكتمل حياتك.. دكتور..

قتيبه بغمزه.. موجودة المراة لو بس تحّن..

- قتيبه!!

- عيونه وروحه.. يابه شكد حلو اسمي من بين شفايفچ... اخ يابة گلبي..

ديانا بضجر.. كافي عفيه ..

قتيبه.. شوكت يحن گلبچ مو صارلي اكثر من سنتين واني بس اريد اشوف حبي ما يخليچ شويه تفكرين بيه عمي حتى لشفقه بس حنيّ علية ﻻن تعبت..

ديانا بهدوء.. تعرف كل زين اني ما احب هيج اشياء شايله فكرة الحب والزواج من بالي قتيبه اني ما اريد.. افهم هل شي ليش !

قتيبه برود.. تمام تمام فهمت ما تحبين زواج ولا حبُ. خلاص انسي .. كمت.. خليني اروح عندي عملية..

طلع.. " قتيبه شهل تصرف طفوولي " صرخت وراء..

راح وطبگه للباب ليش ما يفهم انو هل شي موبيدي لا الحب ولا غيره ما اكدر اتحكم بكلبي واكـوله تعال حبه غصباً عليك.. اووف تن*دت وكملت شغلي ورحت شفت المريضه السويت الها عمليه گالو طلعوها تخبلت شلون تطلع..

- شلون تطلع وهي مصارلها ساعتين من طلعت من العمليه!!

الممرضه.. والله دكتوره رجلها اشو گلبها للمستشفى وجرها جـر بالكرسي وطلعها ..الدكتور سليم كال خلي يطلعها بدون مشاكل مدام دفع فلوسه شدخلنا بعد..

ديانا بغضب.. اوف بس ميصير يطلعها خطيه بعدهي عمليتها خضره... ومناشفه

الممرضه.. يا دكتوره اني شبيدي قابل ..

ديانا.. ماشي ام عباس روحي.. حبيبتي..

رجعت شفت شغلي وكم عملية سويت وبين المراجعين ودوخه المستشفى رجعت للبيت باليل.. هم سبحت وذبيت التعب ولبست ملابس بيتي اترك طويل وفضاض مريح.. تعشيت اني ونينه وياسر نايم واختي متعشيةتكول.. خلصنا غسلت المواعين وخدرت چاي.. وصبيته اخذته للصاله وكـرزات خليت بمواعين.. وگعدنه اني ونينه نتف*ج على فلم... نزلت منى..

منى ..مساء الخير..

ديانا.. مساء النور شنو كل هذا نوم.. اليوم ولا شفتچ

منى .. تعبانه شويه من المحاضرات وطلاب ومالي خلك.. اجيت اگلت لكمه ونمت..

نينة.. يمة گومي صبيلچ چاي مدامه حار.. يلا بنيتي..

ديانا.. اگعدي منى راح اجيبلج اني.. نينه اجدده الچ؟

نينه... لا حبوبه ما يخليني انام.. ما اريد

رحت صبيت چاي وانطيته الها.. كعدت نتف*ج فلم.. واني اطفي من نعاس... ما خلصت نصه..

منى.. روحي نامي اذا تعبانة

- هو هم هيچ بعد ما اكدر اشوف.. يلا تصبحون على خير...

نينه.. وانتي بخير يمه..

رحت بسرعه ذبيت نفسي ونمت...

صباحاً..

ديانا.. مثل كل يوم بدلت ولبست ابيض.. تانك وعفت شعري مفتوح ورسمت عيوني بگحل وخليت حمره هادئه للون اليوم موعد السجون اوف ولا اريد شوفتهم... نزلت تريكت وي نينه وياسر هم موجود ومنئ.. طلعت بسرعه وصلت منى بطريقي.. وصلت للمستشفى بطلاع الروح من الازدحام .. طبكت سياره ونزلت ..استقبلني دكتور سليم..

- يلا عيني بعد خمس دقائق الموعد للسجون..

- يلا ما عندي شي اني.. جاهزة..

شفت قتيبه رفع حاجبه ويباوع عليه ويآشر على ملاسبي.. يضوج اذا البس ابيض يكول انتي منا بياض كارثة وتلبسين ابيض.. ابتسمت اله .. اباوع عليه لابس العمليه اعتقد عدنه حاله .. طلعنا بسيارات المستشفى وگبل للسّجن.... ***

وصلت فتحو الباب النا... دخلنا بموقع المقر تابع للمستشفى.. فتحنا الادوات وعقّمنا ادينا... وفتحت الادوية ودخل علينا اول سجين اخذه دكتور سامي كبير بالعمر .. فحصة وهم شكه من الم ببطنة انطته الممرضه ..علاج وراح.. دخل ثاني اخذت اني فحصته.. يشگي من راسه طلع عنده ضغط...

ديانا.. خلي اله مغذي... وانطي شي ينزلة..

هم كعد واستقبلنا غيرة... وشي ساعه لو اكثر نفحص وننطي علاجات.. اخر شي كملت كعدت من تعب...

تعبت..

دكتور سليم شمرت نفسي على كرسي .. اوف تعبت شنو هذولي فـوك اجرامهم نعالج بيهم...

ديانا.. نزعت جفوفي.. اي آنوب المشكلة محد يكول شكرا لو تعبتك ويايه.. يطلعون بسرعه..

سليم.. لا هم عوزها يشگرونا.. يابه شكد احب فطاريتچ .. يلا شوكت نروح دكتور سامي؟

دكتور سامي.. يلا خلصنا ممرضة سحر اخذو كل شي ورتبنهآ.. يالله نطلع

ديانا.. الحمدلله خلصنا غسلت ادية وفتحت شعري من جديد.. ﻻن قبل شويه شلته بقراصه من الحر والتعب... خليت اغراضي بجنطة وكل شي رجعته لمكانه اباوع لنفسي اخر وحده هنا؟ صدوك جذب غير ينتظروني اجـي وياهم اسمع هوسه بالباب اعتقد جنود .. خليت جنطتي على كتفي وطلعت .. فتحت الباب ما احسَيت الأ واحد دا يدخل برود .. رجعت للورآ من جسمه الضخم... ﻻبس اسود بـ اسود عظلات ص*ره العريضه غطتني وصرت مثل النمله مقرانتن بيه... توترت من عيونه الحآده ما حسيت نفسي الا اني ورآ المكتب واكفه..

- خير شتريد ؟

عمر.. علآج دكتوره..

ديانا.. يحجي برود وعيونه الخضُر اكلتني آكلّ ..

همست" شنو محتاج؟"

عمر بجمود.. علآج وجع راس..

يحجي وعيونه تمشي على وجهي.. فتحت جنطه بسرعه و ادور بين العلاج بتوتر واضح.. عيونه اربگتني لگيته وانطيته اله ..وما حسيت الا فتحت الباب... وركض لبرآ.... وتـرني هل ارهابي....

______

يتبع...

عجبتكم؟

ترا قصيره وتنتهي بسرعه...

وكم بارت هم...