أرهابي

عيناه

لا تسألني وأنا أكتب ماذا تفعل ؟

ألا تراني أخيط جروحي ...

#زينب علي

#ارهابي..

____

عمر بجمود.. علآج وجع راس..

يحجي وعيونه تمشي على وجهي.. فتحت جنطه بسرعه و ادور بين العلاج بتوتر واضح.. عيونه اربگتني لگيته وانطيته اله ..وما حسيت الا فتحت الباب... وركض لبرآ.... وتـرني هل ارهابي.... نزلت يم المستشفى رحت لبست الص*رية البيضة رفعت شعري ليفوك ذ*ل حصان ابتسمت واني اشوف قتيبه طالع من العمليه نزع الكمامه...

قتيبه ..شوكت اجيتو.. ؟

ديانا ..قبل شي نص ساعه.. خلصت عمليتك؟ شو تاخرت.. خير

قتيبه .. عملية صعبه واخذت منه اكثر من اربع ساعات.. تعبت هواي تعاي نشرب گهوه..؟

- تمام بس اسبقني اروح اعقم يدي واجيك" ..

- تمام انتظرج..

رحت للحمام غسلتها وعقمتها بعدين بالي يشغله ..

العيون الخضُر لهذاك المجرم.. مو عيون تخوف وتهّر اكبر گلب.. هزيت راسي طارده هاي الأفكار من بالي.. شنو سالفه ديانا ..تفكرين بـ أرهابي.. رحت لـ امل موظفه الاستعلامات.. سالتها

- عندي عمليه اليوم.. لو حاله اشوفها؟

امل .. عملية اليوم ماكو بس حاله عندچ عادية بغرفه 44 .. قبل ساعة جابوها هنا ومتعرضه لتسممّ شاف دكتور ابراهيم وهسه عليچ الدور..

هزيت راسي.. " تمام شكراً امووله"

أمل بـ ابتسامة .. ولوو دكتوره..

اخذت اغراضي من المكتب ورحت عليها فحصتها ..وياها اثنين نسوان لبسات عبايه ..

وكبار بالعمر وكـل شويه وحده تسأل شكل..

" اعتقد كلت مبيها شي تسّمم وحاله بسيطة وغسلنه معدتها لا تخافين امـي"

شكرتني " يا يمه مشكوره نكدر نطلعها بعد"

هزيت راسي بلأ كتبت بالسجل ورجعته لمكانه..

" اقل شي يلأ تطلع ساعه لـو اكثر يلا اكدر اكتب الها خروج الحمدلله على سلامتها مره ثانيه ''

شكرتني هزيت راسي مسويت شي وطلعت ضميت اديه بـ جيوب الص*رية ونزلت للكفتريآ لكيت قتيبه كاعده وبيد كلاص كهوه رحت اله..

" اسفة تأخرت بس شفت حاله عندي وهسه يلا خلصت"

فتح الكرسي اكعد عليه كعدت.. كبالة..

قتيبه.. . متعود علئ سوالفچ.. تشربين كهوة لـو تاكلين شي؟ "

ابتسمت " كهوه بس ما اشتهي شي "

قتيبه.. اروح بيدي اجيبها الچ انتظري "

ضحكت " الك فخر دكتور قتيبه "

غمز وهو يگوم " إلية فخر واعتزاز هم بعد "

ضحگت واني اضيق عيوني إله انتبهت عليه وهو يّمشي قتيبه رجل جميل بعمر 29 وعازب طويل بس مو كلشُ وشعره شويه بي شقار وعيونه عسليه فاتحه لحيه خفيفه شگر.. وعايش بيت امه وابو ..ناس مثفقين درجه اولى وكل اخوانه مسافرين.. يدرسون برا.. اعرف هو يحبني من زمان بس اني احسّه مثل اخوية وصديق لا اكثر.. رجع إليه وبيدها كهوتي انطاني ياها وگعد..

" أي سولفي شصار اليوم بالسجن "! سال

نفخت بالگوب " ولا شي مثل كـل مرة ملل وتعب شغل لا شي جديد يذگر "

تجاهلت اخر موقف وي ابو عيون خضُر..

قتيبه.. همم الاسبوع جاي إلية اكرهه السجون " تنهد..

ضحكت " اوي سندس "

قتيبه " اياا بنت الاودآم رجال شطولني وشعرضني شورابي شّخنهن سويتني سندس "

گلبت عيوني " اشاقة دكتور طويل عريض "

ضحك " مره ثانيه عود افكري من تحجين "

شربت گوبي كله وكمت كام وراية.. " افكر فهمت يلا للشغل لا يجي دكتور سليم ها شعندكم كاعدين والمراجعين بسّره واكفين "

رجعت للشغل وشفت كم مراجع عندي وبين الشغل وتعب اباوع لساعه تعدت لـ 6 باليل تأخرت ..نزعت ص*ريتي وغسلت ادية وجهي فتحت شعري وطلعت ..لگيت قتيبه واكف يم سيارته..

" ها شو واكف ليش؟ " سالته

قتيبه.. عطل خفيف بسيارتي وداسوي بي"

" خليني اوصلك لعد وعوف سيارة هناً شعليها وهي بالكرآج يلا "

هز رأسه وقفل الباب وقفلها رحت صعدت بسيارتي واجه صعد ورايه .. وصلته اول شي انوب سقت درتها للبيت اتصلت بيه نينه تريد شغلات من السوبر ماركت نزلت كدام واحد.. قفلت السياره وتسوقت اخذت الاغراضً وحاسبت ورجعت للسيارة سقتها للبيت نزلت وصلت طبكتها بالگرآج اباوع لسيارة منى ..واكفة دخلت والعلآكات بيدي نينه بالمطبخ..

" اجيت نينه " صحت

نينه.. هلا بيچ حبييتي الله يساعدچ .."

بوستني واخذت العلاكات رحت شربت مي ..

" نينه ميته جـوع شطابخة شنو هل ريحة الطيبه "

فتحت الچدر واشّم بالإكل مسويه مقلوبة وشوربة عدس.. يا يمه جعت..

نينه.. روحي غسلي وتعاي نصّب وصيحي وياچ منئ كاعده بغرفتها من العصر "

هزيت راسي " وين العار لعد "

نينه .. ولچ لا تسمعچ وتزعل "

تن*دت ورحت لغرفتي نزعت ملابسي ضليت بداخليات اخذت ملابس بيتي ودخلت للحمام.. نزعتهن وكفت تحت الدوش .. فركت وجهي اوف الراحه واخيراً.. مرّ طيف عيون الخضر هزيت راسي رافضه فكر افكر بي.. خلصت سبح ونشفت شعري ..لبست ثوب طويل ومريح عفت شعري مفتوح رحت لغرفه منى دكيت الباب..

" منى وينج تعاي جوه دنتشعه سمعيني "

اجاني صوتها " هياتني جايه بس اكمل شغلي "

فتحت الباب " يلا ميته جـوع عفية"

منى بضحكة.. خمس دقائق هواي وانزل "

" تمام "

طبكت الباب ونزلت لكيت نينه صابه إكل بالمطبخ كعدت منتظرة ست منى اجت بسرعه واني بلشت ..اكل يم الإكل اتحول من ديانا لجبار.. تعشينه وغسلت المواعين خدرت چاي وصبيته وگعدنه على تلفزيون شويه ودخل رجلها لمنئ.. مهند وكعد.. سالته منى.

" متعشي؟"

هز رأسه بـ اي " قبل شويه تعشيت ويه جماعتي بس چاي اريد"

كامت " ادلل "

انتبه عليه وابتسم بمگر " اي دكتورنا ما الله يهديج وتوافقين على صديقي "

جاوبته برود " طلع هل سالفه من عقلك استاذ مهند المحترم "

مهند بضحكة.. " تخوف هل محترم ههههه"

رفعت حاجبي ونمت على كتف نينه تعبانه وجسمي متگسر.. مسحت على ايدي نينه..

" يگلبي اذا تعبانه روحي نامي ارتاحي "

غمضت عيوني بنعاس " اريد ابقى شويه واصعد "

هزت راسها بـ آي .. اجت منى وانطته چاي كعدته يمه وهو نام على كتفها وعيونه بالتلفزيون.. درت وجهي للشاشه اتف*ج مسلسل.. مدري شكد ضليت لحد ما حسيت نفسي غافيه گعدت واني احسّ بيد على كتفي..

نينه.. ولچ يوم كومي لغرفتج ارتاحي صارلچ ساعه نايمه هنا "

كمت مت**ره وبخمول صعدت بسرعه لغرفتي وشمرت نفسي بفراشي ونمت.. كعدت ثاني يوم صبح.. هم نفس الروتين ونزلت جوإ اتريكت وطلعت بسيارتي للمستشفى.. هم وصلت وخلصتها بين شغل والعمليات وحظي وكع.. مرت الايام عاديه وصار اسبوع.. اليوم قتيبه للسجون.. شفته واكفه ديروح وياهم.. رحت اله..

" خير شو ضايج هههه " سالته

تن*د بضجر " ما اريد اروح تلعب نفسي"

ضحكت " ترا بشر حالك حالهم سندس " طلعت لساني اله..

خزرني " اموتچ هنا ترا شكتلچ اني "!

گلبت عيوني " روح روح تأخرت سلملي علئ سجناء مو تنسى"

درت وجهي واني اكتم ضحكتي اسمعه يحجي ورايه..

قتيبه.. بسيطه دكتوره ديانا هاي وحده وياج"

درت وجهي " خليها اثنين دكتور ههههههههه"

ضحك وهز رأسه شفتهم راحو بسيارة الاسعاف رجعت لشغلي ورحت سالت أمل..

امل.. عملية مصار اعـور لطفل بعد نص ساعة جهازه؟

ابتسمت '' دائماً وابداً جهازه انطيني المعلومات عليه"

اخذتهن قريتها وقعت عليها ورحت.. جهزت نفسي عقمت ادية لبست للعمليات رفعت شعري ولبست كمامه دخلت غرفه العمليات شفت المساعدين والممرضات.. اشتغل الضو الاحمر ..رفعت ايده..

" وقت العملية "

سويت العمليه عمقت جرحه خطيته اخر شي..

رحت غسلت ادية وشلت الكمامه طلعت من الغرفة اباوع لساعه متاخره شي ساعه كامله.. شاطرة ديانا.. گعدت بالغرفه اشرب گهوه... وهم طلعت رحت شفت حاله المراجعين ومنا لمنا اجه قتيبه... رحنا كعدنه بالكفتريا سولفنه شويه وسالتة على سجن مدري ليش اجه ببالي ابو عيون خضُر..

قتيبه.. نفس طاسة ونفس الحمام ماكو شي جديد"

هزيت راسي " سبوع جاي عليچ خلصت اني" رجع حجه

گلبت عيوني " اي اعرف "

ابتسم وهو يشرب گهوته خلص اليوم عادي رجعت للبيت هم تعشيت وذبيت نفسي نايمه ملل في ملل حياتي بس تعجبني.. لان ما احب المغامرات ابدا هيج حياة جنت اتمناها من زمان.. اني نينه ومنى وحتى ياسر حياة عادية مثل إي بيت عراقي..

بعد مرور اسبوع..

ديانا .. كعدت الصبح واني اضربة للمنبه اوف يا نينه هسه طفله مخليه يمي منبه كعدت غسلت وجهي ونزلت بالجامه وشعري مفتوح للمطبخ بوستها لنينه من خدها...

نينه.. شعجب مبدله اخاف تتآخرين؟"

نمت براسي علئ كاونتر " ما تاخر بس اتريك ابدل "

صبت ريوك واجتي منى مبدله كعدت تريكت ويانه كملت وصعدت بدلت اليوم الموعد مال سجن رجفّ كلبي مدري ليش هزيت راسي واني ابدل لبست بدي ابيض وستره بيضه منقشه بورد احمر ناعم.. بنطرون اسود قماش لبست گعب اسود عالي وخليت حچل ناعم برسمه قلب اخضر برجلي حبيت البس مدري ليش رسمت عيني بـ كحل اسود وحمره ورديه نازكه تركت شعري مفتوح ناعم لظهري... رشيت عطر وطلعت اخذت الفون وضميته بجنطتي..

نزلت من الدرج " نينه طالعه محتاجه شي اجيلچ برجعه"

نينه.. لا حبيبتي سلامتج ديري بالچ على نفسچ لا تسوقين بسرعه"

بوستها ودعتها " ان اشاء الله لا ما اسوق سريع يلا باي منوش"

منى .. باي حبيبتي شويه واني اطلع ورأج منتظرة ياسر ينزل "

" تمام لعد باي"

نينه.. الله وياج يمه"

طلعت فتحت سيارة وسقت شغلت دعاء احب اسمعه الصبح واني طالعه.. مدري ليش يرجفّ اليوم الله يكون بالعـون طردت هل الافكار من راسي ونزلت من سيارة دخلت للمستشفى.. لكيت الكل مجتمع سلمت على قتيبه وطلعنه... صعدت بالاسعاف وانطلقنا.. لزمت گلبي واني اقره سوره الفاتحه احسّ بكلبي يخفق بسرعه وجنون وصلنا للسجن انفتح الباب دخلنا طلعت الاغراض ونزلنا من سيارة .. رحنا للغرفة مالتنآ.. اباوع اكو جنود وضباط نايمين ونصّهم بدون ملابس دنكت بسرعه من شفت واحد انتبه عليه... دخلنا طلعت الاغراض الممرضه عقمت ادية و بدينا نشتغل... لبست كمامه رفعت شعري كيكه ونزلت خصلات من شعري وحدهن.. وبلشنآ.. استقبلت اول مريض اني رجال جبير ولحيته بيضه مره شفته اعتقد.. قسّت ضغطه صاعد.. انطيته علاج ينزله ..

" مشگوره عمي " شگرني

ابتسمت " هذا واجبي عمو "

طلع استقبل واحد ثاني دكتور سليم فحصّه يشگي من اسنانه انطآ علاج وضربة ابره مسّكنه.. وطلع

د سليم.. شّكر ماكو إلية شو " سالني مضّيك عيونه..

رفعت كتفي بما اعرف .. اخذت واحد ثاني هم يشكي من اسنانة شسالفه ؟ اليوم استقبلنا هواي من السجناء واني كتلني التعب تن*دت مدنكه اگتب لاخر سجين موعد العلاج .. انطيته وطلع..

د سامي.. يلا عيني خلصنا اليوم يالله نتوگل.. "

لمينا الادويه واغراضنة رحت للحمام نزعت الگفوف ونزعت الكمامه فتحت شعري غسلت اديه.. عقتهم واخذت اغراضي وطلعت ..ما حسيت الإ سلاح على راسي.. درت وجهي .. ملثم وعيون نفّسهن الخضُر مـيزتهن بسرعه .. دفعني بسلاح معناها اتحركي وكعت الجنطة من يدي واني اشوف الگل واكفين متحجزين...

" لمو الاغراض بسرعه! " صرخ واحد بسلاحه..

لمت الممرضه سمر الاغراض وهي ترجف..

اشوف سليم ودكتور سامي مرفوعه اديهم لفوك راسهم وسمر لازمة جنطه علاج بيد ترجف.. وكل واحد فوكه سلاح زين وين الجنود !

" منا للعشره احسبوو "

بنبره استفزازية حجاها الورآ دكتور سامي شنو منا العشرة... سلاح على شعري ما اكدر اتهور واضربة واخسر حياة الگل..

" 1 2 3 4 56 7 8 9 و بـوووم "

بدا يحسب نباوع علية برعب وصل للعشرة ما حسّينا الٱ نفجار وگعنا كلنا بالگاع وكعت علئ وجهي ما حسيت الإ يد قوية رفعتني من خصري.. رفعت عيوني وگلبي يرجف نفس العيون...

" مـنو انت "!

_____

يتبُع..