Matapos ang event na 'yon, hindi na ako nagparamdam o nagpakita kina Keaton at Khalil. Pinili ko na lang manahimik. Ayoko na ng gulo, ayoko na ng sakit ng ulo, lalo na ng sakit ng puso.
Nakiusap ako kay Shaun kung puwede ba niya akong tulungan makapasok sa TESDA. Gusto kong may matutunan, kahit ano, basta may alam.
Thankfully, tumulong siya. Tinuruan niya akong mag-submit ng requirements, nagbigay pa siya ng pambili ng uniform at mga gamit. Pero kahit gano’n, hindi ako tumira sa condo niya. Lumipat ako sa maliit na tindahan ni Aling Lolita.
Simula nang bumalik si Aling Lolita, tinanggap niya ulit ako. Hindi man kasing-komportable ng dati, mas masarap sa pakiramdam na alam mong hindi ka pabigat sa kahit kanino.
Mabilis lumipas ang mga buwan. Hindi ko namalayan, malapit na akong magtapos
