"Diyos ko po! Ito na ba ang aking apo?" bulalas ni Donya Luisa ng matanaw ang isang batang lalaki papasok ng bulwagan.
Hawak ito ni Aling Pacing na tuloy pa din ang paninilbihan sa kanilang pamilya.
"Opo, Donya Luisa. Ang pogi at mukhang matalino din," masayang tugon ni Pacing sa amo.
Lumuhod pa ang Donya upang mayakap ng mas mahigpit ang apo. Tuluyang nalusaw ang pangamba at takot na umaalipin sa kanya sa mga nakaraang taon dahil sa wakas nasa harapan na n'ya ang batang kanyang ipinagdadasal. Hindi s'ya nagkaroon ng lakas ng loob na ipagtanggol ang kanyang anak sa takot na ikalala ng sitwasyon bagkus pinakiusapan n'ya si Albert na huwag pababayaan ang kanyang bunsong anak. Tumayo ang Donya at sinalubong ng isang mainit na yakap ang bunsong anak na babae.
"Salamat, Diyos ko! Salama
