‘Time never waits; you have to run to catch with time.’
“Hindi lang naman siya ‘yong babaeng may tattoo sa mundo,” agad naman akong napatigil dahil sa sinabi ni Luna. “Hindi mo ba muna pakikinggan ang paliwanag niya?”
Hindi ko naman magawang makapagsalita kaagad nang dahil sa sinabi niya. Nagtatakang napatingin ako sa kanya at gano’n din naman ang ginawa niya. Naghintay pa ako ng ilang minuto dahil baka sakaling bawiin niya ang mga sinabi niya pero hindi niya ginawa.
“Luna, naiintindihan mo ba ang mga sinabi mo? Tingin mo ba magiging ganito ako kung basta-basta lang ang rason?” hindi makapaniwalang sabi ko sa kanya. “Hindi mo ako maiintindihan dahil hindi mo naman buhay ang nasa bingit ng kamatayan.”
“Tracy, ano ba, huminahon ka nga,” saway sa akin ni Hazel at pilit akong pinapaupo. Hi
