‘The season of failure is the best time for sowing the seeds of success.’
“May hinanda pa ako na dessert, kainin na lang natin pagkatapos natin dito,” sabi ko pa sa kanya.
Medyo nainip naman na ako dahil ang tahimik masyado, ang maririnig lang talaga ay ‘yong kalampag ng kutsara at tinidor sa pinggan, pakiramdam ko tuloy ay mabibingi ako sa katahimikan kaya naman nagsimula na akong magtanong sa kanya.
“Lhia,” tawag ko sa kanya kaya naman nag-angat siya ng tingin sa akin. “May ayaw ka ba sa ugali ko?” seryosong tanong ko sa kanya.
Bigla naman siyang napatigil sa pagkain at tumingin din sa akin, hindi ko na mabilang kung ilang minuto niya akong tinignan pero uminom muna siya ng tubig bago sinagot ang tanong ko. Tumigil din naman ako sa pagkain para pakinggan kung ano ang sasabihin niya.
