Pagtumba ng Quadro ay siya namang takbo ni Patricia patungo kay Marvin. Si Marvin naman ay abala sa paglinis ng kanyang pana.
"Baklaaaa!" Salubong sa kanya ni Patricia at binigyan ito ng mahigpit na yakap.
"Grabe girl. Bakit ka nandito? Buti na lang pala napadaan ako rito, kundi nalaklak ka na ng chalang Quadro na 'yon!" panenermon nito.
"Oo nga e! Grabe, thank you ha? Hindi ko akalain na dito pa tayo magkikita." Tinanggal naman ni Patricia ang pagkakayakap sa kanya at sinuri ang kakaibang kasuotan ni Marvin. Parang nasa sinaunang panahon ang suot ng kaibigan. Ang damit nito ay gawa sa balat ng hayop, habang nakapantalon siyang kulay itim.
"Baks ano 'yan? Mukhang nahuhuli ka na sa uso," pang-aasar ni Patricia.
"Gaga!" sagot ni Marvin saka inilagay sa likurang bulsa ang dalawang p
