Hindi mapigilan ni Patricia ang kanyang kuryosidsd na tingnan kung ano ang naririnig niya sa isang makipot na eskinita. Kinakabahan siya, ngunit pinagpatuloy pa rin niya iyon dahil may kung anong bumabagabag na sa kanyang isip. Pagdungaw niya ay una niyang namataan ang mga sandata. Saglit siyang napaisip kung kanino ang mga iyon, at nang mapagtanto niya ay tama nga siya. Sa mga guwardiya ang mga sandatang iyon, at ang mga naririnig niyang boses kanina pa ay sa kanila rin.
Dahan-dahang naglakad si Patricia patungo sa kinaroroonan nila. Sakto na para marinig niya kung ano ang pinag-uusapan ng dalawang guwardiyang iyon.
"Kumusta na kaya ang pamilya ko?" lumbay na tanong ng isa, sabay tinanggal ang harang na bakal sa kanyang mukha. Gulat si Patricia dahil doon. Ang akala niya ay hindi nila
