NAGISING mula sa mahimbing na pagkakatulog si Patricia dahil sa sunod-sunod na katok mula sa pintuan. Umupo muna si Patrici at saktong uunaat nang marinig niyang tumatawag ang pamilyar na boses sa kanyang pangalan.
"Pachot?" tawag muli nito.
Papungay-pungay na naglakad si Patricia patungo sa tapat ng pinto,at nang binuksan niya ito ay bumungad sa kanya ang masayang mukha nina Makmak at Ara. Nagulat pa siya nang makita na may dalang basket si Makmak na naglalaman ng pagkain.
"Buti naman at nakapagpahinga ka na, bago kami magpunta rito," ani Ara at saka sinisilip ang loob ng bahay.
"Oo nga e, halikayo. Pumasok muna kayo rito, at magliligpit lamang ako ng higaan." Pinatuloy ni Patricia ang bago niyang kaibigan at pinaupo sa monoblock. Siya naman ay nagtupi muna ng higaan at nag-ayos n
