Nag-anunsyo na ang babae sa likod ng mikropono na dalawang oras na lamang ang gugugulin nila sa kanilang laro. Nag-aalala na si Makmak at Ara sa kalagayan ni Patricia dahil isang oras nang walang malay ang dalaga. Nakapagphinga na rin ng maayos ang iba pa, pagkatapos ng kaganapang nangyari. Napansin ni Makmak na paulit-ulit humihikab si Ara at pinipigilang pumikit ang mata. Halata na rin sa mukha nito ang antok at pagod, kaya napagdesisyonan ni Makmak na ipahinga si Ara.
"Sigurado ka ba? Kaya mo na?" tanong ni Ara, nang humiga na siya katabi ni Patricia na wala pa ring malay.
"Oo. Huwag kang mag-alala. Babantayan ko kayo," anito. Sa sobrang kaantukan, hindi na mapigilan ni Ara na makatulog.
Pinagmamasdan lamang sila ng binata. Napangiti ng impit si Makmak nang makita ang maamong mukh
