“BAHAY ito ng Uncle mo?” nandidilat ang mga matang usisa ni Dana nang makalabas sila ni Dave ng sasakyan at ngayon ay nakatayo sa terrace ng malaking bahay.
“Oo. Bahay nila ng Antie ko. Wala akong susi. Mag-door bell na lang tayo. Baka sakaling may magising sa kanila,” wika ni Dave.
Tiningnan ni Dana ang suot na relo. Eleven-fifty na. Malamang tulog na ang mga tao rito. Bukod sa gabing-gabi na ay tuloy-tuloy pa ang malakas na buhos ng ulan. Pinag-krus niya ang kanyang braso sa kanyang dibdib. Hindi na sapat ang jacket na suot niya para mapawi ang bahagyang panginginig ng kanyang katawan.
“Okay ka lang, Dana?” kunot-noong tanong ni Dave sa kanya.
Akmang sasagutin niya ito nang bigla na lang bumukas ang pintuan. Sumungaw mula roon ang isang may edad ng babae.
“Magandang gabi po, Sir,” n
