“DANA, may overtime ka ba ngayon?”
Nag-angat ng kanyang tingin si Dana nang marinig ang tinig ni Missy. Ilang saglit lang na tinapunan niya ng tingin ang kaibigan na hindi niya namalayang nakaupo na pala sa visitor’s chair sa harap ng mesa niya. “Bakit mo tinatanong?” tanong niya nang ibalik ang tingin sa monitor ng desktop na nasa harapan niya.
“Wala lang. Naisip ko lang naman kasi baka gusto mong sumabay sa akin pauwi mamaya. Ilang linggo na kasi tayong hindi magkasamang umuuwi,” tugon ni Missy habang tinitipa ang gilid ng mesa niya.
Napanguso siya at muling sinulyapan ang kausap. “Hindi pa ako sure. Wala pa namang ibibigay na utos si Mr. Arsenas. Anong oras na ba?” Nagtaas siya ng dalawang kamay saka nag-inat.
Pinandilatan siya ni Missy. “Hoy, Dana! Ano ka ba naman? Napaka-unlady li
