"Hindi na napansin ni Vince ang tawanan ng kanyang mga magulang dahil nasa iisang babae na ang pokus ng kanyang isipan. "Hanggang kailan kaya mananatili sa kanilang baryo ang babae?" tanong niya sa kanyang isipan.
"Sinong iniisip mo? Si Nannette ba?" wika ng kanyang ina na naupo sa kanyang tabi. Inilapag nito sa mesa ang kape. Kasunod din nito ang kanyang ama na hawak-hawak ang tasa ng kape sa isang kamay nito. Naupo naman ito sa kaharapan nilang upuan.
"Inay, sinabi ko na kanina sa inyo. Hindi ko gusto si Nannette. Huwag niyo ng subukan na ipilit siya sa akin," hindi niya naitago ang inis sa tinig niya.
"Iyan na nga ba ang matagal ko ng sinasabi sa'yo, Maria. Dinidesisyunan niyo kasi ang anak mo. Kayong dalawa ni Veronica. Bakit hindi niyo hayaan na siya mismong humanap ng babaeng map
