Tila pagod na pagod si Vince nang makarating sa kanyang condominium unit. Naiisip pa rin niya si Carmela. Nagtataka lang siya sa kung paano ito magmaneho. Pang wrekless driver talaga ito kanina sa bilis. Walang pakialam kung may masagasaan o ano. "Naka-dr*gs ba ito?" tanong niya sa isip. Huwag naman sana. Crush pa naman niya ito. Sayang ito kung nagkataon. Ipinikit muna niya ang kanyang mga mata upang mapahinga. Hindi na niya namalayan na nakaidlip siya. Tunog ng kanyang cellphone ang nagpagising sa kanya.
"H-hello," tamad pa niyang wika rito habang hindi iminumulat ang mata.
"Vince! Si Nannette `to!" nasa tinig nito ang saya.
"Nannette, napatawag ka?" Gusto sana niyang itanong kung kanino nito nakuha ang kanyang numero pero hindi na niya ginawa. Sigurado naman niyang sa Inay na naman n
