أحببت جاسوسة

الشخصيات احببت جاسوسه الشخصيات (عائله امير الهلالى) * نورسين امير الهلالى: فتاه رقيقه كزهرة التوليب جميلة للغايه كوالدتها لون عيونها اخضر زيتونى كالغابات تماماً ولون شعرها احمر كالنار مشع لامع يجذب النظر بشدة جسدها ممشوق بشرتها بيضاء حليبيه و عمرها ٢٦ أنهت كلية الالسن تتمتع بالشجاعه والقوة والمهارة فى الال**ب القتالية وسنعرف لماذا .... * امير الهلالى : والد نورسين عمره ٥٢ سنه. طيب للغاية وحنون ويحب نورسين للغايه و صاحب شركات الهلالى للاستيراد والتصدير ..... *ناديه الامين: والده نورسين عمرها ٤٨ سنه حنونه و مجتهدة تعمل مع زوجها بالشركة الخاصه به ... تشبهها نورسين جدا حتى لون عيونها وشعرها...... شهد: فى سن نورسين وصديقتها تعرفت عليها فى الجامعه وهى مشاغبه جدا وتحبها جدا فتاه رقيقه ترتدي حجاب ولطيفه عيونها عسليه وقمحاويه ولكن مثل البدر.. روان: فى سن نورسين و صديقتها ايضا ولكن من ايام المدرسه وهى بئر اسرارها بمعنى الكلمه وجميله جدا مرتديه حجاب ايضا وتحب شهد ونورسين عيونها بنيه وبيضاء وجميله .. (عائله يوسف الهلالى ) *يوسف الهلالى : رجل كبير فى السن عمره 56 حقود وطماع وقاسي يكره اخوه امير للغايه ويكره ابنته بسبب مشاكل فى الميراث وسنعرف ماذا فعل بهم يحب ابنته جدا ولكن يعاملها غير رأفت ابنه تماماً وسنعرف لماذا ... * جليله: زوجه يوسف هى من جعلته بهذه القسوة فهى طامعه فى ميراثه وقاسيه للغايه مثله عمرها 51 سنه *رأفت يوسف الهلالى: ابن يوسف وجليله ولكن ع**هم تماما فهو طيب وخلوق ومهذب ويكره افعال والده ووالدته واخته ويحب نورسين جدا * انجى يوسف الهلالى: ابنه يوسف وجليله الصغيرة والاكثر دلال وهى مثل والدها ووالدتها لا تختلف عنهم فى شئ وهم يفضلونها عن رأفت لانها مثلهم وتكره نورسين بشده لانها اجمل منها (الابطال الشباب ) مروان الشرقاوى: عمره 30 سنه محامى كوالده ماهر للغاية بعمله ومشهور كوالده المتوفى يتميز بلون عيونه العسليه الفاتحه اللامعه ووسامته وشعره الطويل الاسود وبشرته البيضاء وجسده الرياضي غامض بعض الشيء لكن شخصيه مرحه بطبعه ...... مالك الشرقاوى: الاخ الاصغر لمروان عمره 28 سنه يعمل محامى مع مروان لون عيونه زيتونى مثل والدته وابيض وشعره لونه اسود ولكن قصير جسده طبيعي لانه لا يمارس الرياضه مثل مروان ..... رامي الوردانى: صديق مروان و مالك المقرب محامى ايضا فجميعهم يعملون قى مكتب محاماة كبير يملكه مروان. رامي شاب وسيم شعره اسود ولون عيونه بنيه داكنه وجسده طبيعى بشرته قمحاويه ولكن جميل و جذاب وعمره 30 سنه. باقى الشخصيات سنتعرف لاحقاً ?? *-*-*-*-*-*-*-*-*-*-*-*-*-*-*-*-* فى مكان جميل للغايه تستيقظ بطلتنا بعيونها الرماديه اللامعه بسبب مداعبه الشمس لعيونها و دخول شعاعها فضايقها ذلك كثيرا واستيقظت بغضب نورسين: انا نفسي افتكر اقفل الشباك ده قبل ما نام مرة واحده يلا ادينا صحينا قومى شوفى الق*ف اللى وراكي..... نهضت ووقفت فى الشرفه المشرفه على حديقه جميله ورقيقه مثل بطلتنا الرقيقه التى تشبه الورده وقفت تتذكر ضحكتها وهى تجرى وتلعب فى الحديقه و***ب والدها معها وضحكه والدتها وهى تجرى خلفها ورجائها لها لكى تأكل وفجاءة نزلت دمعه من عيونها فقالت: لا لا بلاش دموع ... حقكم هيجي صدقونى ولو من مين انا هفضل تحت رحمته بس لحد ما جيب حقكم سامحونى على اى حاجه حصلتلكم بس والله حقكم هيرجع وهترتاحوا ...... ثم دلفت الى الحمام و اخدت حمامها وخرجت ارتدت ملابسها سريعاً وامسكت هاتفها وركضت للاسفل..... جليله بنزق وهى تجلس على الطاولة: اخيرا صحيتي... نورسين بضيق من طريقتها بالحديث : بقولك ايه يا ست انتى انا مصدعه لوحدى مش ناقصاكى فاهمه.... انجى بغضب: كلميها عدل يا بيئه انتى بدل ما اجيلك ابهدلك.... نورسين ببرود: انا بيئه اومال انتى ايه يا جربوعه على العموم انا لو قمت من مكانى صدقيني انتى اللى هتتمرمطي مش انا..... انجى بخوف: خلاص يابت انتى اسكتى بقي رأفت بضيق من تصرفات والدته واخته: احنا لسه صاحيين كفياكم خناق ... ثم إلتفت لنورسين وقال بإبتسامته المعتادة : صباح الخير يا نورسين... نورسين بضحك: صباح النور يا رأفت رأفت وهو يجلس بجانبها: عامله ايه...؟ ثم اكمل بصوت منخفض: فكك منهم بقي وريحي دماغك.... نورسين بضحك قاصدة إغاظتهم : ياعم فكك اديني بتسلى على الصبح انت عامل ايه فى كليتك ديه... رأفت بفزع وهو يكتم فاهها : وطي صوتك بقي مانتى عارفه محدش منهم يعرف انى بدرس طب هما فاكريني كنت فى الالسن زيك وخلصت من بدري...... نورسين بتذكر : خلاص ياعم نسيت بقولك انت جاى الشركه النهارده... رأفت بضيق: جاى جاى بس هتأخر شويه غطيني بقي... نورسين وهى تشير لعيونها : من عينيا.... جليله وهى تنظر لذلك الذي ينزل على السلالم : يوسف يلا علشان نفطر ... يوسف بإبتسامه : صباح الخير يا جليله... صباح الخير يا نور عين بابا يا انجى.... انجى بدلع: صباح النور يا بابي نورسين بنزق: مش لايق عليكي الدلع اصلى بحسك ولد فاسترجلى.... يوسف بغضب: نورســـين كام مرة قولتلك متكليمهاش كده انتى نسيتى نفسك ولا ايه ولا علشان جبتك تعيشي معانا ونضفتك وخليتك سيبتى الخرابه اللى كنتى فيها... نورسين بصراخ حاد : بقولك ايه متنساش انت نفسك وتنسي انك قاعد فى بيت ابويا الله يرحمه وان شركتك ديه شركته وكل فلوسك ديه فلوسي وفلوس ابويا اللى انت زورت كل ورقها لحد ما خليتها بتاعتك لوحدك واما الخرابه اللى كنت عايشه فيها فديه شقتك القديمه يعنى اللى جاى من الخرابه انت ومراتك وعيالك سامعنى يوسف بسخرية: ولما انتي متأكده انى زورت الورق مستنيه ايه مبلغتيش عنى ليه... نورسين بتوعد: كله فى وقته متستعجلش... جليله بملل: خلاص يا يوسف بقي... يوسف بضيق: هى اللى بتعصبنى... جليله وهى تنظر لها بسخرية : خلاص قومى انتى يلا على الشركه .... رأفت بحزن : سيبيها تفطر الاول يا ماما... نورسين وهى تنهض بغضب: وهو اللى يصطبح بوشهم يجيله نفس يفطر سديتم نفسي جتكم القرف...... ثم قامت واخذت مفاتيح سيارتها وانطلقت نحو الشركه..... جليله بغضب وحزن مصطنع : شايف قله الادب انا نفسي افهم انت مخليها معانا ليه.... يوسف بغضب: قوم يا رأفت حصلها يلا.... رأفت بإستسلام : حاضر سلام..... ذهب رأفت الى كليته ولكن اهله لا يعلمون فلا يعلم الا نورسين وهى تحميه وتساعده...... يوسف بغضب: كام مرة قولتلك متتكلميش قدام رأفت..... جليله بتذمر : خلاص قولى بقى هي قاعدة معانا ليه.... يوسف بتوضيح: انا برميلها عضم والهيها مش عايزها تفضل تدور انتى مسمعتيهاش لما قالتلى زورت الورق ديه انا لو مخدتهاش فى صفى هتفضل تنخور وتدور ورايا فهمتى وخفى شويه عليها انتى وبنتك سلام..... جليله بإبتسامه صفراء: سلام يا حبيبي..... انجى وهى تنهض مسرعه: مامى انا خارجه.... جليله بغضب: قعدى ذاكرى شويه هى اتخرجت وانتى لسه .... انجى بملل: يووه بقي سلام..... جليله بغضب: سلام .... **************************************** عند نورسين فى السيارة كانت تبكي بحرقه على اهانه عمها لها وافتقادها لوالدها ووالدتها وتذكرها ليوم الحادث...... Flash back نورسين ببكاء : بابا انت هتسافر انت ومامى لوحدكم.... امير وهى يحتضنها: ايوة يا روح بابا بس مش هتأخر خالص هنخلص شويه شغل ونجيلك على طول.... نورسين بضحك: هتجبلى معاك لعب وحاجات حلوة صح..... امير بإبتسامه حنونة: صح مش كده يا ناديه..... ناديه بضحك: ايوة طبعا هانجيب الدنيا كلها للاميرة بتاعتنا خلى بالك من نفسك واحنا مش هنتأخر...... نورسين وهى تحتضنهم: طيب هستناكم مش هنام....... امير وهى يض*ب كفها : ماشي ووعد مش هتأخر عليكي بس عاوز اقولك حاجه (اميرة بابا مفيش حاجه ت**رها صح)..... نورسين بضحك: صح امير بتأكيد: ولا حد يقدر يجي عليها وتقدر تجيب حقها من عين التخين تقدر تعمل كل حاجه وهى اميرة بابا بس صح..... نورسين بضحك : صح امير وهو يملس على شعرها : انتى اميرة بابا الغالية نورسين: انتَ امير وانا اميرته... احتضنها امير وقبلها وكذلك ناديه ثم ذهبوا الى اخوه يوسف ليتركها عندهم يوسف بتأكيد: متقلقش خلى بالك من نفسك..... امير بقلق: مش عارف انا قلقان ليه بس وحيات اغلى حاجه عندك لو جرالنا حاجه خلى بالك منها..... يوسف بحب مصطنع: ديه فى عيونى.... امير بجدية: احنا هنسافر نمضي الصفقه و نرجع على طول تمام..... يوسف بخبث: تمام تيجوا بالسلامه... ذهب امير وناديه ولكن للاسف سقطت الطيارة بسبب عطل ومات كلا من ناديه وامير وبعد وفاتهم بشهرين ترك يوسف نورسين فى شقتهم القديمه وذهب ليعيش فى فيلا اخوه بدونها وظل يذهب لها مرتين فالاسبوع ليعطيها مال وطعام ويذهب ظلت هكذا الى ان كبرت وعرفت ان كل ميراث والدها بأسم عمها وان والدها لم يترك لها شيئا فعلمت ان هذا غير صحيح وانه من المؤكد ان عمها قام بالتزوير وعزمت امرها على ان تبقي معه حتى تاخذ حقها وكانت تشك ان له علاقه بموت اهلها ولذلك كانت تعمل معه حتى تستطيع ان تأخذ حقها وحق اهلها منه .... Back كانت نورسين تريد ان تصرخ بأعلى صوت لديها وتصيح بأنها قد تعبت من كل تلك للاعباء التى تحملها ولكن ستتحمل كل ذلك حتي ترجع حقها وحق والديها ستنتظر فالإنتقام طبق يفضل ان يقدم بارداً....... ( نورسين تعمل مع عمها بالشركه ولكن ايضا تعمل كجاسوسه لديه فهى تسرق له الاوراق والصفقات جاسوسه بمعنى الكلمه وكل ذلك حتى تستطيع رد حقها منها) ثم قادت سيارتها بأتجاه الشركه ... ***************************************** عند مروان استيقظ مروان على صوت المنبه الخاص به ثم جلس على السرير كعادته ثم وقف ودخل الى الحمام واخذ حمام وخرج وارتدي بذلته ثم ذهب الى غرفه ش*يقه مالك مروان بصوت عالى: مالك قوم يلا هنتأخر مالك بتتائُب: ياعم انا نايم متأخر بعد ما خلصت غسيل... مروان بضحك: هو انت كنت بتغسل على ايدك ولا ايه ياض... مالك بغضب: لا يا اخويا كنت بغسل وبروق الشقه وبعمل اكل علشان نتعشي غير القواضي اللى سيتك مسهرنى عليها.... مروان بسخرية: هو انت كده روقت الشقه يا زفت انت.... مالك وهو يضع يده فى خصره: يطلع منك الترويق ده.... مروان وهى يهز كتفيه: الصراحه لا يلا قوم.... مالك برجاء: هاتلنا شغاله بقي مروان بملل: انا كلمت عنيات وعبد ال**د يدوروا على واحده كويسه... مالك بمرح: ماشي انا مش عارف مشيت القديمه ليه.... مروان بغيظ: علشان كانت مهمله وبتضيع الورق وانت كنت بتحاول تشقطها..... مالك وهو يتذكرها: بصراحه كانت حلوة وعليها شويه لبس ولا كأنها موديل مش شغاله. ...... مروان بضحك: طيب قوم يلا خلينا نمشي عقبال ما اتصل بالزفت اللى اسمه رامي..... مالك وهو ينهض: طيب جاى وراك على طول.... مروان وهو يخرج: اوك خرج مروان واتصل برامي رامى بجدية: الو مروان بسخرية: انت فين ياض رامي بضحك: مفيش مرة صباح الخير يا بيبي مروان بغيظ: وهو انت بيبي ده انت شحط... رامي بتوعد: ماشي يا مروان مروان بغضب مصطنع: انجز انت فين رامي بخوف: دقيقتين وابقي تحت البيت متتأخروش.... مروان بضحك: اوك سلام رامي بغيظ: سلام مروان بغضب: مااالك خلصت ولا لسه مالك وهو يربط الجرافته: انا خلصت يلا بينا... مروان بضحك: اموت فيك وانت سريع مالك بتمثيل: لا عيب يا واد بغير... مروان بمزاح: امشي قدامى يا بت قصدى يا واد.... نزلوا الى رامي وانطلقوا الى المكتب ****************************************** عند نورسين وصلت نورسين الى الشركه بغضب وهى لاترى امامها من شدة غضبها فإصتدمت بالموظف يحيي..... يحيي بقلق: استاذه نورسين نورسين بإستغراب: ايه يا يحيي مالك يحيى بخوف: استاذ يوسف هنا وبيدور عليكم انتى ورأفت بيه.. نورسين بملل: فكك انا داخله ليه بس انت ابقي هاتلى مج الن**افيه بتاعى... يحيى بطاعه : حاضر دخلت نورسين الى مكتب عمها نوريسن ببرود: نعم عايزيني تكمل تهزيق فيا.... يوسف بضحك: انتى عارفه انا بحبك قد ايه ده انتى بنت الغالى... نورسين بجمود: بلاش الكلام ده علشان مش بيجيب نتيجه معايا.... يوسف ببرود: براحتك ندخل فى الشغل نورسين بنزق: ادخل يوسف بجدية: المرة ديه عمليه صعبه شويه نورسين بفخر: انت عارف مفيش حاجه صعبه عليا يوسف وهو ينهض: حلو اوى، مروان ومالك الشرقاوي اتنين اخوات محامين ممتازين للاسف وقع فى ايديهم ورق خطير يخصنى وهاموت عليه وانتى مهمتك تجيبيه وبعدين تبتدي تجمعيلى معلومات كامله عنهم..... نورسين بتفكير: طيب هاروح النهارده واجيبهملك..... يوسف بقلق: لا دول مخبينهم فى مكان الجن الازرق ميعرفلوش طريق لازم يتعودوا عليكي ويأمنولك علشان تعرفى مكانه..... نورسين بعدم فهم: وانا هيتعودوا عليا ازاى بقي.... يوسف بقلق من ردة فعلها: انتى هتشتغلى شغاله عندهم نورسين بصدمه: نــــــــعــــــم!! ياترى نورسين هتوافق؟ ياترى ازاى هتدخل عند مروان؟ كل ده الفصل الجاى من احببت جاسوسه ?❣️