“INGATAN mo iyang mag-ina mo, Sir, ha? Hindi biro ang mga pinagdaanan ni Jianna para mapalaki iyang anak mo.”
Napalingon si Luther sa boses ni Ninang Lara na nagmula sa kaniyang likuran habang pinagmamasdan niya ang kaniyang mag-ina na nasa loob pa ng bakuran at nagpapaalam kay Nana Olyn. Umiiyak si Gale dahil gusto nitong isama ang yaya sa paglipat sa bahay niya pero hindi pumayag ang ginang. Medyo malayo na raw kasi iyon sa bahay nito kung saan ay kinakailangan din nitong silipin paminsan-minsan ang mga anak at mga apo.
Nakangiti na nilingon niya si Ninang Lara na ipinakilala na sa kaniya ni Jianna at napag-alaman niyang isa rin sa mga empleyado niya. “Don’t worry. Hindi ko sila pababayaan. Mas magiging mabuting tao pa ako ngayon. I’m a dad now,” puno ng emosyon na sagot niya bago muli
