"I never imagined your own mother could do that. I don't know her well enough to judge her. Pero anong klaseng ina siya para sabihin at gawin sa'yo iyon?"
Napakurap-kurap si Luther at naputol ang masakit na pagbabalik-tanaw niya nang marinig niya ang sinabing iyon ni Jianna.
Puno rin ng galit ang mga mata nitong titig na titig sa kaniya.
"Sorry, Ji. Pero mahina ako. Nagpadala ako sa mga salita ng nanay ko." Kuyom pa rin ni Luther ang mga kamao niya at nakaguhit pa rin sa kaniyang mukha ang galit at sakit. "Pagkatapos kong malaman na wala ng pag-asang makabangon muli ang kumpanya dahil sinimot ni Mr. Chua ang pera, doon na ako nagdesisyon na tumalikod sa kasal natin at sa obligasyon ko sa inyo ni Gale," puno ng damdamin na ikinuwento niya uli kay Jianna ang mga nasabi na niya nakaraang
