Napatingin siya sa dalawang lalaking nasa labas ng kanilang opisina sa twenty seventh floor ng building na iyon. Actually, kasama niya ang mga ito. Mga tauhan ni Calvin na nagbabantay sa kanya.
Matapos kasing pumayag ng nobyo na pumasok na siya ulit sa trabaho ay nagbigay naman ito ng kondisyon sa kanya. Kailangang may magbabantay sa kanya sa loob ng bente kwatro oras. At hindi raw siya maaaring tumanggi. Medyo nakakaasiwa lang talaga dahil para naman siyang VIP na may mga bodyguards pa.
Kung may isang tao mang masaya rito, iyon ay walang iba kung 'di ang haliparot niyang kaibigan na si Gabby na panay ang pagpapa-cute sa mga ito.
Sinalubong niya ito ng masamang tingin nang makitang palapit na ito sa kanya matapos batiin ang kanyang mga bantay.
"Ang landi mo!" inunahan na niya ang kaibi
