Matiyaga siyang naghintay sa labas ng bahay niya para abangan ang pag-uwi ni Calvin. Ngunit anong oras na ay wala pa rin ang lalaki. Labas-pasok na rin siya sa bahay niya at nilalamok na pero wala pa rin ito.
Pinagsisihan pa niya na hindi niya kinontak ang lalaki kanina. Nakalimutan niya rin kasi sa dami ng ginagawa kanina sa opisina nila.
Hindi niya tuloy sigurado ngayon kung uuwi ba si Calvin sa katabing bahay niya.
Papasok na sana siya sa loob para kunin ang cellphone niya nang may makitang ilaw ng sasakyan. Unti-unti ay naaninag niya ang BMW ni Calvin. Pumarada ito sa harap ng bahay nito. Pag baba ay agad na dumiretso sa kanya na para bang alam nitong hinihintay niya ito.
"Bakit nasa labas ka? Anong oras na," pasita nitong bungad sa kanya.
"You're here," sagot naman niya rito. Kum
