Simula nang umamin si Thea kay Calvin ay mas naging malapit na sila sa isa't isa. Madalas na rin silang lumabas na dalawa. Kapag may libreng oras ang lalaki ay sinusundo siya nito sa opisina upang sabay silang mag-lunch o kaya ay dinner.
Parang dati...
Pero para kay Thea, masaya siya na dahan-dahan lang sila ni Calvin at hindi nagmamadali. Hindi katulad ng dati kaya itinago pa nila ang relasyon. Mas okay sa kanya ang set up nila ngayon. Nakikilala nila ng lubusan ang bawat isa.
Kung may nagbago man sa kanila ngayon, siguro ay mas nag-mature na sila. Natuto sila ng husto matapos ang nangyari sa kanila sa nakaraan.
May mga pagkakataong nagpapahaging pa rin si Calvin. Siyempre gusto pa rin nito na may label silang dalawa. Ngunit para sa kanya wala namang masamang dahan-dahanin at natutuw
