Ibinagsak ni Thea ang sarili sa kama niya. Inihatid siya ng daddy at mommy niya sa bahay niya kahit na gusto pa sana ng mga itong manatili muna siya sa family house nila. Marahil ay nag-aalala pa rin ang mga ito sa kanya matapos ang nangyari sa resort.
Pakiramdam niya ay pagod na pagod siya at gusto nalang magpahinga. Kaya naman agad siyang naglinis ng katawan at nahiga na.
Naiisip pa rin niya ang lahat ng nangyari sa bakasyon nila. Sa loob ng dalawang araw ay tila napakaraming naganap sa buhay niya.
Magmula sa nararamdaman niya kay Calvin hanggang sa muntikan na niyang pagkapahamak. Hanggang ngayon ay hindi pa rin siya makapaniwala roon. At naninindig pa rin ang balahibo niya kapag naalala 'yon.
Mabuti nalang talaga dumating si Calvin sa tamang oras...
Speaking of Calvin, hindi pa r
