Hindi alam ni Thea kung ano ang gagawin nang makitang naghihintay sa kanya si Calvin sa lobby ng building kung nasaan ang office nila.
"Teka, ako ba talaga ang hinihintay nito?" tanong niya sa sarili. Ang assuming naman yata niya. Pwede namang si Miguel ang sadya nito.
Nasagot ang katanungan niya nang mapatingin na sa kanya ang lalaki at mabilis siyang nilapitan. Tumingin pa ito sa likuran niya na parang may hinahanap.
"Nagawi ka?" tanong niya rito nang magkaharap na sila. "Puntahan mo si boss?"
"Nope. Ah... hindi mo yata kasama 'yung boyfriend mo?"
Kumunot ang noo niya. Boyfriend? Ah... oo nga pala, ang alam nito ay dyowa niya si Gabby. Nakalimutan na niya ang pagpapanggap nila ng kaibigan sa sobrang pagkailang niya ngayon.
"Oh! Wala siya, nasa field. Bakit?" napansin niya, simula
