"Babe?" takang-takang tanong ng kanyang daddy habang nakatingin sa kanya at pagkatapos ay lumipat ang tingin kay Calvin.
Thea's heart is beating too fast... Hindi niya alam kung dahil sa kaba sa reaksyon ng daddy niya o dahil sa presensiya ng lalaking ilang gabi nang nambubulabog sa isip niya.
"Ahm... he... ano kasi dad... ah..." nagkandautal na tuloy siya.
At paano ba niya ipapaliwanag sa ama ang pagtawag sa kanya ni Calvin ng 'babe'? At bakit siya ang magpapaliwanag eh hindi naman siya ang dahilan ng sitwasyon na iyon?
Habang ang hudyong Calvin na iyon ay nangingisi pa? Hindi na ba talaga ito natatakot na mabuko sila ng pamilya niya?
"Tito, I used to call her that. I'm sorry, nagulat yata kita," maya-maya ay sabi nito.
Lalong nagkabuhol-buhol ang paghinga niya sa sinabi nito. Ano b
