Sinundan ni Thea ng tingin ang papalayong Calvin na mukhang kakagaling lang sa pagjo-jogging.
Napangiti siya nang muling maalala ang nangyari kagabi. Talaga bang napagkamalan nitong lalaki si Gabby? At iniisip nitong jowa niya ang kaibigan.
Siguradong magwawala si Gabby kapag nalaman niya ito. At baka sabubutan pa siya nito kapag sinabi niyang pinanindigan niya pa ang hinala ni Calvin.
Mabilis niyang inilayo ang tingin kay Calvin nang papasok na ito sa bahay nito. Linggo ngayon at walang pasok. Ngunit kailangan pa rin niyang kumayod dahil magagahol sila ng husto sa ibinigay na deadline ni Calvin.
Bumalik na naman tuloy ang inis niya rito! Stressed na siya dahil sa kakaisip sa ikinikilos nito, idinamay pa nito ang trabaho niya! Samantalang ito ay parelax-relax lang.
Hay naku! Parang an
