Kalmado ang bawat hakbang ni Thea habang naglalakad papasok sa gusali kung nasaan ang opisina ni Calvin. Kahit na ang totoo ay halos lumabas na ang puso niya sa sobrang bilis ng pagpintig niyon.
Pati yata atay at balunbalunan niya ay lalabas na sobrang kaba niya.
"Kaba ba talaga 'yan o excitement?" ani ng utak niya. Pinilig ni Thea ang ulo. Ayaw niya ang naisip na iyon.
Pinakalma niya ang sarili hanggang sa makarating na siya sa floor kung nasaan ng opisina ng dating nobyo.
Dumiretso na siya sa mesa ng sekretarya nito na abalang-abala noon at hindi siya napansin.
Lihim na umasim ang mukha niya. May trauma na kasi siya sa mga sekretarya.
"That b***h Lucy," aniya sa isip nang maalala ang babaeng naging dahilan ng kanyang pagkasawi.
Hanggang ngayon ay sariwa pa rin sa isipan niya ang
