Ayeza Blythe's POV
Tahimik kong pinagmamasdan ang statement of account ko na nasa dalawang kamay ko. Hindi ko akalain na ganito na pala kalaki ang ipon ko. Sapat na para makapag-aral ulit ako. Siguro tama na muna ang pagtatrabaho ko. Sobra-sobra na ang ipon ko ngayon at gusto ko mag pokus kay Ryle.
"Ano 'yan?" Agad kong tinupi ang statement of the account ko ng marinig ko ang boses ni Ryle mula sa likuran ko. Tumayo ako sa pagkaka-upo ko sa sofa at nilingon siya.
Nakaupo siya sa wheelchair niya at mukhang kalalabas niya lang ng kwarto namin. Palihim kong ibinulsa sa likuran ko ang statement of the account ko.
"Wala naman," sagot ko. "Gusto mo na bang kumain?" Pag-iiba ko sa usapan.
Naglakad ako papalapit sa kanya at huminto ng makarating ako sa tapat niya. Hinawakan ko ang buhok niya
