Ayeza Blythe's POV
Naglakad ako palabas ng banyo pagkatapos kong maligo. Pinupunasan ko ang buhok ko gamit ang puting tuwalya. Naupo ako sa plastic na silya na katabi lamang ng kama na tinutulungan ngayon ni Ryle.
Ala singko na nang hapon pero tulog pa rin siya. Natulog kasi siya ng tanghali habang ako naman ay mag hapon na pinanood siyang natutulog.
Bumabawi lamang siya sa mga sunod-sunod na araw na pagpupuyat niya tapos maaga pa siyang gumising kahapon para lang ibigay sa akin ang regalo na inihanda niya.
Naalala ko na naman ang tatlong paper bag na regalo niya. Puro mamahalin ang laman. Isang bag, isang bestida at isang sapatos na sandals kapareha ng bestidang ibinigay niya. Sigurado akong libo rin ang inabot na mga pinagbibili niya sa akin kaya natatakot tuloy akong gamitin dahil
