Nag-iwas ako ng tingin. Ang mga luha ko ay nag-uunahan na sa pagbagsak.
"Huwag ka ng magtampo sa amin ni Daddy. Kung alam lang namin... kung mas maaga lang sana namin na nalaman, kukunin ka naman namin agad."
Hindi pa din ako umiimik. Ang aking mga mata ay iniwasang tumingin sa kaniya.
Lumapit siya sa akin upang yakapin ako.
"Mahal na mahal ka namin ni Daddy. Kung mayroon lang kaming magagawa para tanggalin iyong mapait na nakaraan, para sana naging maginhawa ang buhay mo habang lumalaki..."
"Pero impossible ng mangyari iyon. Kaya ngayon kami bumabawi ni Daddy."
"Kung hindi ko nalaman, kailan niyo sasabihin? At may plano pa ba kayong sabihin?" may hinanakit kong tanong. Siya naman ngayon ang nag-iwas ng tingin.
"Hindi ko alam, Beryl. Basta ang goal lang namin ni Daddy ay masigu
