BERYL
Umuwi na ang mga byenan ko sa Pinas nang isang araw. Naantala ng ilang araw ang dapat uwi nila dahil sa mga nangyari. Bilang pagbawi kay Yunnie, nangako ako na uuwi kami sa Pinas kapag nanganak na si Yunnie, bilang suporta na din sa kaniya.
Palagi ko siyang kinukumusta, dahil nag-aalala talaga ako para sa kaniya. Hindi madali ang pagbubuntis niya at prone din siya sa depression. Lagi naman daw siyang binibisita ng kaniyang mga kaibigan, pero alam kong iba pa din kung lahat sana kami ay naroon para suportahan siya.
Nagpapadala ako sa kaniya ng flowers every other day. Nagbibilin ako sa flower shop na mag-print ng motivational quotes para mabasa niya. Minsan naman ay prutas o mga pagkain na gustong-gusto niyang kainin.
Masaya ako na naroon na sina Mommy. Kasundo niya ang aming
