Nanood kami ng movie maghapon. Napapagitnaan namin si Germaine na panaka-nakang napapatitig sa akin. Kita ko ang saya sa kaniyang mga mata kaya napapangiti na din ako. Ganito pala magkaroon ng sariling pamilya. Hindi ko ito naramdaman sa paglaki ko. Sagana ang buhay ko pero lumaki ako sa mga maids.
Iyong feeling na magkaroon ng pamilya ay naramdaman ko lang nang makilala ko si Beryl. Isa ito sa pinagpapasalamat ko sa ama ko bukod sa kayamanan niya. Ang pagkakaroon niya ng isa pang anak, kahit na hindi ko ito kapatid ng buo.
"Bukas, Daddy, manood ulit tayo ng movie? Ganito ulit tayo? Tapos mag-swimming din tayo!"
Nagkatinginan kami ni Roger.
"Babalik na ako sa work bukas, anak."
"Huwag ka na lang mag-work muna, Daddy. Mag-bonding pa po tayo nina Mommy."
"Kailangan mo ding pumasok s
