أحببت بطل خيالي أضغاث أحلام

مشاكل

فريحه

١١

في الفندق

فريحه مش عارفه تبعد عينها عن مهاب أو نقول بمعني اصح مراد

مراد شاور للحارس ؛ هي مجنونه وله ايه . مالها بتبصلي كدا . انا قلقان منها من وقت اما شوفتها في المطار

الحارس : تقريبا معجبه بيك .. أو بتشبهه عليك عشان قالت مهاب اول ما شافتك

فريحه دخلت راسها في النص : انتم بتوشوش بعض بتقولو ايه. ما تعلو صوتكم.

مراد زق رأسها : ابعدي كدا. انتي مالك

فريحه : مش معقول . انت متاكد انك مش مهاب.

مراد : قولتلك لا . هاتي اي واحد واساليه عليا هيقولك انا مين .. وبعدين هو مهاب ده سابك وانتي جايه تطلعي العُقد بتاعتك عليا

فريحه : نفس طريقه الكلام ونفس الصوت . طيب معلش سؤال اخير . انت عندك اخوات تؤام

مراد : معنديش . ( بص للحراس ) كلملي يا بني شركه السياحه، انا عايز اغير المرشده دي .

فريحه : انا اشطر واحده في المجال الارشاد .انا بسالك اساله عاديه يا مهاب ..قصدي يا مراد بيه . سؤال بريئ

الحارس : معلش يا فندم . شكلها متقصدش تضايقك

مراد : هات عقد الشغل

الحارس حط الورق قدام فريحه اللي ضحكت وافتكرت مهاب اما مضاها علي ال*قد

فريحه : لا يلدغ مؤمن من جحر مرتين. مش همضي علي عقود تاني. اخر مره طلع عقد جواز ، انت عايز تضحك عليا

مراد اندهش من كلامها : انتي بتقولي ايه يا مجنونه ، انا هشوف حد غيرك . انا فنان وليا اسم . عايزه تجيبيلي مصيبه . وبعدين في واحده عاقله تمضي علي ورق من غير ما تقرا.

فريحه بتكلم نفسها : انا بعك كتير . مهاب حلم وده مش هو. انا لازم ابطل تخاريف ..

وقفت عشان تمشي بس رجعتله تاني : يعني انت متاكد انك مش مهاب ؟.

مراد : يوووه قولتلك انا مش زفت مهاب . انا مراد منير . ممثل مشهور . وده الباسبور بتاعي كمان

فريحه بصت في الباسبور وفعلا مكتوب مراد

فريحه : انا اسفه للازعاج . بس انت شبهه اوي. انا هطلب من الشركه اغير مع حد . وبكرا هيكون عندك مرشد تاني

مراد : يكون احسن برضو .. روحي دوري علي مهاب اللي نصب عليكي . في مكان تاني

فريحه : لا .. طبعا . مهاب مش نصاب ، مهاب كان راجل اعمال محترم . كان خيال

مراد : للدرجه دي كنتي بتحبيه . خيال ليه بقي ، ايه المميز فيه

فريحه : بقولك كان خيال . ايه اللي مش مفهوم في الكلمه .

خرجت فريحه من عند مراد وهي حاسه بالحزن . كانت فاكره أنها اتغلبت علي ذكري مهاب . بس اول ما شافت مراد . رجع حنينها ليه. وجود مراد جنبها هيرجع ذكرياتها مع مهاب

رجعت البيت ..

جدتها : فريحه . اجهزلك الاكل يا بنتي

فريحه : لا يا تيته ، مليش نفس. انتي كلتي وخدتي علاجك وله لا

الجده : الحمد لله . مالك يا فريحه . رجعتي تاني للسكوت والزعل . انتي مش كنتي بقيتي كويسه. هو علاج الدكتوره مش جايب نتيجه تاني

فريحه كانت بتتعالج نفسي : لا يا تيته انا كويسه . بس ارهاق الشغل .

الجده : ربنا يقويكي يا بنتي .

.....

تاني يوم كانت فريحه صاحيه بكل نشاط وقررت تشتغل مع مراد وتقضي الوقت معاه. هي حابه قربها منه لأنه بيفكرها بمهاب . عشان كدا هتستغل الوقت اللي فيه في مصر .

وقفت قدام باب الغرفه وخبطت فتح مراد ورفع حاجبه اول ما شافها

مراد : انتي تاني . مش قولتي هتغيري مع مرشد سياحي تأني

فريحه : مفيش حد فاضي . اتفضل اجهز حضرتك عشان نبدا البرنامج السياحي. انهارده هنزور معبد الكرنك

مراد : قبل ما نتحرك من الفندق ..مش عايز اسمع اسم مهاب ده تاني ، وله عايز اسمع اي حاجه عن حياتك الشخصيه .. هنتكلم بس في نطاق الشغل وبس . مفهوم

فريحه : طبعا .مفهوم . انا هنا للشغل . وبعدين أنا مش هحكي حياتي لاي حد .. ليه يعني معنديش كرامه

بعد وقت كان الاتنين واقفين في معبد الكرنك بالاقصر وفريحه بتشرح لمراد التاريخ وهو مبهور

فريحه : المسلة برج وعمود حجري نحيف عمودي ذو أربع جوانب وينتهي رأسه بهرم صغير؛ اشتهرت به الحضارة المصرية الفرعونية القديمة. حيث كانت تنحت على أضلاعه كتابات هيروغليفية ورسومات ملكية ودينية

مراد. : واووو بجد .. مذهله بمعني الكلمه

فريحه : هو انت ازاي بتفهم مصري .

مراد : امي مصريه وبابا كان تركي ..وبعدين قصه حياتي معروفه. ادخلي علي جوجل هتعرفي كل حاجه عني ، انا مش عارف انتي مش مقتنعه ليه اني مشهور

فريحه : يا عم صلي علي النبي . محدش يعرفك هنا . انا ماشيه معاك بقالي ساعه ومفيش حد شاور عليك حتي من بعيد

مراد : ده لاني لابس نضاره وحاطط الطاقيه . مختفي

فريحه : ااه . خدت بالي

مراد : انتي بتتحديني . اوريكي دلوقتي شهرتي قد ايه

فريحه : ياعم خلاص مصدقه . هنمشي من هنا

بس مراد اعتبر كلام فريحه استهتار بيه ..عشان كدا قلع النضاره والطاقيه ووقف يتصور مع المصور اللي كان جايبه معاه

خمس دقايق والناس اتلمت وبداو يطلبو يتصورو مع مراد .. فريحه : خلاص صدقت . هنخرج ازاي من الورطه دي .. انا مش فاهمه متجمعين يتصورو معاك ليه . ما انت عادي اهو. ايه المبهر في اني اشوف ممثل

مراد : مش هرد عليكي ..عشان انتي اصلا متستحقيش اني ارد . شوفي حل وهربيني من هنا .

فريحه : اجري ورايا

جريت فريحه ومراد وراها اشتريت جلابيه صعيدي

ولبساها ولفت الشال علي راسه

فريحه : ايه رايك يا ابو عمو ...شكلك صعيدي علي حق ، محدش هيعرفك كدا

مراد : واوو .. شكلي حلو . هنزل الصوره علي الانستا

خرج الموبيل وبيصور نفسه .. خ*فت فريحه الموبيل وجريت

مراد : هاتي الموبيل يا فريحه. انتي هتهزري معايا . بلاش هبل

فريحه وهي بتجري : مش هينفع تنزل الصوره دلوقتي . لان لو حد شافك هيعرف مكانك والمعجبين هيظهرو تاني . أما صدقنا هربنا منهم

مراد : يا غ*يه . انا مش هنزلها دلوقتي . هاتي الموبيل يا فريحه ..

فريحه : تؤ

جريت بسرعه اكبر وهو وراها .. واخيرا وقفت تاخد نفسها ، شد منها الموبيل

مراد : اياكي تعملي الحركه دي تاني . انتي هتهزري معايا. انتي هنا عشان تشتغلي عندي . مش هتتحكمي فيا .. مين اداكي الحق تاخدي الموبيل وله تقوليلي اعمل ايه ومعملش ايه .

فريحه : انا اسفه.

وصلت عربيته ورجع الفندق وهي رجعت بيتها

فريحه : جتك ق*ف يا مراد . فاكر نفسك مين . مغرور . ده مهاب برقبتك كان بيعمل اي حاجه عشان تفرحني .

سمعت صوت الموبيل ردت : الو ..مين

مراد : انا . عايز اخرج اتعشا بره

فريحه : المحلات قفلت .. كل في الفندق

مراد : انتي هتهزري معايا ، متنسيش أن ده شغلك . انا هقدم فيكي شكوي وهيرفضوكي وابقي قابليني لو حد شغلك تاني

فريحه : الساعه ٨ تكون جاهز عشان تتعشا .. في اكل معين نفسك فيه

مراد بغرور : مش عارف ..يمكن اكل .. وله اقولك انا نفسي في ملوخيه

قفلت الموبيل في وشه : ده لسه هيحلم هياكل ايه .. ايه الشغلانه الق*ف دي .

بليل كانو في مطعم الاكل

فريحه : اتفضل المنيو اهو واطلب اللي انت عايزه

مراد : هاتي .. بيعملو هنا ملوخيه حلوه ..نفسي فيها اوي .. بقالي سنين مدوقتهاش

فريحه : هي مامتك مش بتعملك اكل

مراد : ماتت من ١٠ سنين

فريحه : صافي ماتت . لا حول ولا قوه الا بالله

مراد : صافي مين. امي كان اسمها نور .. انتي مجنونه

فريحه : سوري . صافي أم حد تاني . معلش الاسماء بتدخل في بعض .

مراد بص في المنيو

فريحه : بص انت نفسك في اكل مصري وانا هستجدع معاك .. جدتي بتعمل اكل . .هتاكل صوابعك وراه ..

مراد : انا مش باكل صوابعي . انت بتاكلو صوابعكم

فريحه : ههههه، مش قصدي . قصدي أن الاكل هيعجبك . استني اما اتصل واشوف عامله اكل ايه انهارده

اتصلت فريحه بجدتها : تأكل باميه

مراد : ماشي .. بس هي جدتك مش هتضايق

فريحه : بالع** .. هي بتحب الناس

مراد اشتري في طريقه ورد عشان يهديه للجده لانها عزمته ..

قدام البيت ..

فريحه : كنت اشتري اتنين كيلو برتقال هتحبك اكتر . في حد لسه بيشتري ورد

مراد : انتي مجنونه. هو الورد وحش

فريحه : الفاكهه احسن .. اتفضل .. تيته ..تيته

الجده خرجت : يا مرحب يا مرحب . نورت يا بني .

مراد : بنورك يا نينه

فريحه : هي مش اسمها نينه . اسمها قمر الزمان

مراد : نينه يعني جده بالتركي . هي بجد اسمها كدا

فريحه : اه ..بس طبعا اسمي احلي

مراد : اسمها احلي منك . مميز

بعد الاكل مراد قعد مع الجده واتكلم معاها وكانت بتحكي عن ذكرياتها ومبهور بيها

أما فريحه فكانت مركزه مع مراد وكل حركاته .

مراد : ياااه الوقت اتاخر يا نينه . هجيلك مره تانيه واتكلم معاكي اكتر .

الجده : وانا هستناك قولي بس قبلها نفسك تاكل ايه

وهعملك

مراد : ربنا يبارك فيكي ويطول في عمرك ..

الجده : فريحه . قومي وصلي مراد

فريحه : خليك معانا شويه كمان.

مراد : لا. الوقت اتاخر . خليكي وانا هطلب اوبر يوصلني

فريحه : انت امانه معايا.

اصرت فريحه توصل مراد ووقفت تا**ي

في التا**ي

فريحه : ده مش طريق الفندق

مراد : قولي والله

فريحه : اقسم بالله . شكلنا هنتخطف.. عمو انتي خ*فنا.

السواق بصلهم بشر

.

فريحه مسكت دراع مراد : هو هياكولنا وله ايه . ماله بيبصلنا كدا ليه

. مراد : مش عارف ..مش انتي اللي وقفتيه

السواق وقف العربيه .. وفريحه هتموت من العرب

.....

يتبع

فريحه

١٢

سبحان الله وبحمده

العربيه وقفت في مكان ضلمه ..وفريحه مسكت دراع مراد

: مهاب .. انا خايفه

مراد : قولتلك مليون مره مسميش زفت مهاب . خليه يخلص عليكي وارتاح منك

السواق خرج من العربيه : اخرج انت وهي.. وطلعو كل حاجه معاكم .. موبيلات ..فلوس. ساعات . قشط نفسك بنفسك .

فريحه :. لو سمحت يا استاذ سواق . ده فنان مشهور و محترم.. الصحافه اما تعرف انه اتسرق . هتقول عليه ايه . وبعدين البوليس هيجيبك هيجيبك فالاحسن تسبينا نمشي لا ناذيك وله تاذينا

مراد : انتي بتهببي تقولي ايه. انتي كدا بتشجعيه اكتر أنه ي**قنا .

السواق : ايوا صح ..وانا اقول شوفت وشك فين قبل كدا. انت بتطلع في التلفزيون ده البت بنتي بتحبك اوي ..يعني اتصور معاك عشان أما اروح اوريها الصوره . اصلها مش هتصدقني

مراد : انا ممكن اتصور معاك . وابعتلها اهداء كمان .. بس ممكن تسبنا نروح ..من غير سرقه

السواق : معلش يا فنان . انت هتلاقي معاك فلوس قد كدا علي قلبك . مش هتفرق اما اخد جزء بسيط . انت بتقبض بالملايين .. وانا راجل حرامي علي قد حالي

فريحه : انا اتاثرت بجد ، انت ازاي غلبان كدا . انا هساعدك وهتبرع من جيبي الشخصي ب ١٠٠ ج . لعلمك فلوسي فيها بركه . يعني انت ال**بان

السواق : بس يا بت . تلزمك في حاجه البت دي يا فنان

مراد : وله اعرفها ..خلص عليها وريحني منها . من وقت ما شوفت وشها وانا متشائم

فريحه : بقي كدا يا مهاب . الله يرحم ايام زمان اما كنت بتجري ورايا ، هان عليك العيش والملح اللي كلناه ..

مراد : يا خربيتك علي بيت مهاب . قولتلك اسمي مراد .. والمصحف مراد . انتي مش بتفهمي .

السواق : ما تسكتي يا بت وسيبي الفنان .. معلش يا مشهور . اصل في ناس كدا بتتطفل علي حياه الفنانين . عايزين يتشهرو علي افاهم ، اتفضل انت وسيب البت دي اقلبها

فريحه : مهاب انت هتسبني بجد

مراد : عشان مهاب ده انا هسيبيك. قلبها واسرقها .. تستاهل ...وكمان في واحد تعرفه اسمه مهاب يستاهل السرقه ..ياريت تعرف مكانه وتخلص عليه

اتصور مراد مع السواق وفريحه مصدومه هو فعلا هيسيبها ويمشي

السواق. : توكل علي الله يا فنان وشكرا للصور . .البت بنتي هتفرح بيهم اوي . المره الجايه ياريت تذكر اسمي في الفيلم اللي هتعمله. اسمي شواحه

مراد : طبعا . انتظرني الفيلم الجاي . هيكون اسمه شواحه . خلي بالك من نفسك يا فريحه . سلام عليكم .. ابقي خلي مهاب ينفعك

فريحه بتبص علي مراد اللي بيتحرك بعيد

السواق : يلا يا انسه . هاتي اللي معاكي . انا بفكر ابيع اعضائك كمان. بتجيب فلوس في السوق

فريحه : معنديش وله عضو سليم .. القلب وم**ور . العين وهروح اعمل نضاره نظر .. الكليه ومش بشرب مايه هتلاقيها بايظه . والدم كمان عندي انميا . يعني أنا ماشيه ببركه ربنا . علي الله حكايتي .. يا عم شواحه سبني انا مش ورايا غير المصايب

السواق : خلاص انتي عرفتي شكلي لازم اخلص عليكي . ده واجب المهنه .. هاتي الفلوس اللي معاكي وسيبي الموبيل .

فريحه : انا كل اللي معايا ١٠٠ ج والموبايل م**ور . روح أسرق حد عليه القيمه .

السواق بيقرب من فريحه : اشهد ان لا اله الا الله ..اشهد ان محمد رسول الله

. غمضت عينها مرت دقيقه مفيش حاجه

حصلت ..فتحت عينها كان السواق واقع في الأرض ومراد واقف ومعاه عصايه

فريحه : انت رجعت تاني بجد . فكرتك هربت وخوفت منه

مراد : انا مش بخاف .روحت دورت علي حاجه عشان اض*به بيها ورجعت انقذتك ..عشان تعرفي أن احسن من مهاب بتاعك ده

فريحه : انتم الاتنين واحد اصلا . يعني انت هو وهو انت.

طبعا مراد مسمعش كلام فريحه لأنها كانت بتتكلم بصوت هادئ

وصلها البيت ورجع هو الفندق .

مراد : بقالي كتير متحركتش بحريه كدا . اروح واجي براحتي من غير ما حد يضايقني أو يحكم عليا . مفيش مصورين فضايح هنا . والا كانو نشرو اني علي علاقه بفريحه. انسانه غريبه جدا . مجنونه وهاديه .. مزيج عجيب

.... أما مع فريحه فهي قاعده مبتسمه وهي بتفكر في اللي عمله مراد معاها. : كفايه تفكير . اللي بفكر فيه مش هيحصل . مراد مش مهاب . مهاب ده كان حلم جميل وخلاص انتهي . ومراد مش ممكن يفكر فيا . ده فنان مشهور وهيقعد فتره ويسافر .. انا اللي بعمله في حياتي بجيب وجع القلب لنفسي .

.....

في اليوم اللي بعده

كانت فريحه منتظره مراد في مطعم الفندق وقاعده بتشرب قهوه وبتقرا اخبار عن مراد

لفت نظرها واحده معاه وبتفتكر شفتها فين . فتحت عينها بصدمه انا افتكرت : دي مني السكرتيره. ايوا هي . نفس الشعر والجسم . ازاي في الحلم وازاي ظهرت في الحقيقه

مراد : صباح الخير

فريحه : مين دي اللي في الصوره معاك

مراد : ردي الصباح الاول ، ايه الأسلوب ده. مش هتبطلي جنان

فريحه : صباح الخير والنور . وكل الصباحات . قولي بقي مين اللي في الصوره دي .. انا لقيت الصوره علي جوجل ..انت تعرفها صح

مراد : بس بس . اهدي شويه . دي ممثله تركيه ، اسمها روزي . عملت معاها اخر فيلم و**ر الدنيا . شوفتيه في السينما اكيد

فريحه : لا . مشوفتش حاجه . البت دي اسمها مني مش روزي .. وكمان بت صفرا ومش سالكه . متقربش منها. عشان هتاذيك

مراد : انتي بجد مجنونه . انا دلوقتي اتاكدت . مين مني اصلا . دي اسمها روزي .وعمرها ما نزلت مصر ..دي عايشه حياتها بين تركيا و امريكا . اوعي تكوني بتغيري عليا زي المعجبات .. بس احب اريحك مفيش بينا حاجه . دي كلها اشاعات بسبب اخر فيلم .. انا لسه سنجل

فريحه : انا مش معجبه بيك.. وعمري ما اتف*جت لفيلم ليك . الحكايه كلها أن روزي شبهه سكرتيره مهاب ... شكلها مش مريح .

مراد : عندي فضول اعرف .. انا عايزه اسمع حكايتك انتي ومهاب ده . مين مهاب ده اللي شبههي وايه اللي مخليكي مرتبطه بيه كدا وهو سايبك

فريحه : هحكيلك بس وعد متتريقش عليا وصدقني كل اللي هقوله ، هيكون صدق .. هقولك كل اللي حصل معايا . حاول تصدقني لأن الحقيقه اغرب من الخيال

مراد سمع فريحه وهي بتحكي عن السلسه واللي حصل في القطر ومهاب اللي كان بطل في روايه وظهر في حياتها . وبعد ما رجعت لحياتها ظهر مراد واللي طبيعي كانت تتلغبط ما بينهم وتفتكر أن هو مهاب . كان بيسمعها وهو حيران . شكلها مش بتكدب . واضح جدا من تعابيرها انها بتقول الحقيقه ..بس الحقيقه غريبه

مراد : دي حكايه فيلم انا كنت عمله قبل كدا . يمكن انتي اتف*جتي عليه ووقت الغيبوبه استرجعتي الأحداث وعيشتي فيها . بس انا زي ما قولتلك مشوفتكيش قبل كدا . كمان امي متوفيه ، روزي كانت بطله الفيلم .

فريحه : الظاهر كدا فعلا . ده الجواب المنطقي الوحيد للي حصلي .. انا اسفه اني بزعجك .. لو ينفع انهاردة اخد اجازه عشان حاسه بالتعب

مراد وافق . وفريحه مشيت .

مراد بيكلم نفسه : مش عارف اللي عملته صح وله غلط ... الحقيقه ان مفيش فيلم عملته بالقصه دي . هي شكلها حيران وواقفه حياتها عند الحلم ده .لازم تكمل حياتها بشكل طبيعي ...انا بساعدها مش بكدب عليها ..

.. فريحه اعتذرت أنها تكمل شغل مع مراد لأنها كل ما بتشوفه بيفكرها بمهاب وبدات تتعلق فيه .. كلمت الشركه تاخد اجازه .. وبدأت ترجع لجلسات العلاج النفسي مره تانيه

جدتها تعبت واتنقلت للمستشفي وفريحه كانت معاها

مراد اما عرف رح المستشفي يزورها

الجده. : مراد ..اذيك يا بني. مش قادره اقوم اسلم عليك . شكلي خلاص بخلص في الدنيا

مراد : الحمد لله يا نينه .. بعد الشر عنك .. انا جيت اطمن عليكي . قولت قمر الزمان وحشاني واول ما عرفت انك تعبانه جيت علي هنا

الجده : كتر خيرك يا بني . فيك الخير والله .

فريحه دخلت : مراد . انت هنا من أمتي .

مراد :. لسه جاي .

الجده : روحي يا فريحه هاتي اكل لمراد ..شكله حاسس

فريحه : محسساني أنها تعرفك من زمان . انتي لسه تاني مره تشوفيه يا تيته . انا مش هاكله اصلا ..هي كوبايه عصير حلوه عليه

الجده : يا قليله الادب . امشي يا زفته هاتي الاكل

فريحه : يوووه كل شويه تزعقلي . تاكل ايه يا استاذ

مراد : مش جعان .. انا جيت اطمن عليكي .

الجده : هتزعلني منك ليه يابني . انا لسه ماكلتش وهاكل معاك

فريحه : انا جبتلك فراخ وشوربه

مراد قعد جنب الجده وكان بياكلها ويهزر معاها وهي كمان .. بتفكره بجدته وبمامته نفس الروح والطيبه

الجده : كنت بحب جد البت فريحه وهو كمان كان بيكون فيا .. كان بيشغلي ام كلثوم كل يوم بليل . وفي يوم زعلت معاه ومشغلش ام كلثوم .. روحت استخبيت منه تحت السرير وكتبت جواب اني مشيت وسبتله البيت

مراد وفريحه ضحكو ..

فريحه : هههههه .. وعمل ايه جدو اما شاف الجواب

الجده : نزل جري يدور عليا في كل مكان ويسال الجيران وانا لسه مستخبيه في الشقه وبدوس علي قلبي عشان مش احن ..كل شويه يدخل الشقه ويطلع ..

مره واحده لقيته جه قعد علي السرير وقعد يكلم نفسه ويقول : يارب يا قمر ترجعيلي بالسلامه وانا مش هزعلك تاني وهخدك ونخرج واجبلك الفستان اللي كان نفسك فيه

طلعت راسي من تحت السرير وقولتله : انا هنا يا حبيبي .

راح مسكني من ودني وقالي ما انا عارف يا ذكيه .. شوفت رجلك وانا داخل .

ضحكو اكتر عليها.. وهي بصتلهم وعيونها دمعت ؛ كان راجل ميتعوضش . من وقت اما مات وانا كل يوم بفتكره وبدعيله بالرحمه . ادعولي ربنا يجمعني بيه علي خير

فريحه : لا يا زينه . متقوليش كدا . انتي هتقعدي معايا . تروحي لجدي وتسبيني لوحدي

مسحت الجده عيونها : انت لسه صغيره وقدامك الحياه يا فريحه . خلي بالك من نفسك يا بنتي . ربنا يرزقك بابن الحلال اللي يحافظ عليكي .

.. مراد سال الدكتور عن حاله الجده وقاله أن حالتها خطر والاعضاء في جسمها بتتوقف

وهو واقف بيكلمه سمع صوت فريحه بتصرخ

جري علي الاوضه وشافها بتعيط وهي حاضنه جدتها

......

يتبع