Lumipas na naman ang buong magdamag na walang nangyari sa paghihintay nila Lux at Immitis. Hindi nila lubos akalain na muli ay makakaramdam na naman sila ng matinding antok at pagod dahilan para sila ay hatakin na naman ng antok.
“Immitis, kailangan nating maging responsable ngayon. Hindi na tayo maaaring matulog muli. Kailangan nating makarating kaagad doon upang may makalap na tayong impormasyon tungkol sa lunas ng kwintas,” sabi ni Lux.
Tumango naman si Immitis bilang pagsang-ayon.
Lumipas ang maghapon, kagaya ng nagdaang araw ay nagpasya silang kumain at magpahinga panandalian at sa gabing iyon ay muli na namang lumabas ang makapal na hamog na siyang nagpapalamig sa buong paligid.
“Ginoong Lux, hindi na tayo maaaring matulog ngayon.”
“Oo alam ko.”
Ngunit ilang oras pa lamang ang
