Gulat na gulat ang dalawa sa nakikitang itsura ngayon ng isla.
“Eto ba talaga ang Insula Astra?” tanong ni Immitis. “Mukhang mali yata ang impormasyong nakalap mo, Ginoong Lux.”
Tinuro nito ang isang bato na may nakaukit na mga salita. May bitak na ito at tapyas sa itaas na bahagi habang ang mga katabi nitong bato ay nagkasira-sira na.
Ad Astra
Nilapitan ito ni Lux at hinawakan ang mga salitang nakaukit dito. “Ang mga salitang ito ang sumisimbolo sa lugar.”
“Bakit ganito na ang itsura ng lugar? Parang isang malawak na ruinae.” Nilibot niya ng tingin ang kabuuan ng lugar at tanging buhangin, mga sirang gusali, mga tuyo at patay na puno ang naroon. Nagsimula silang maglakad ni Lux upang mas makapag-ikot sa lugar at wala silang ibang makitang nabubuhay roon. Nakapanlulumon
