Nitidus' POV
Napabalikwas ako nang bangon nang marinig ko ang pagbukas ng pinto ng aking silid.
“Nitidus!” Si Inxs.
“A-anong nangyayari?” tanong ko.
“Bilisan mo. Bumangon ka na. Sumama ka sa akin. Parating na ang lolo mo at may kasama siyang kawal. May pinaplano siyang masama sa iyo,” sabi nito.
Kaagad namang bumalot ang kaba sa aking dibdib kaya dali-dali akong bumangon. Halos nakapantulog lang ako na yari sa manipis na seda. Hindi ko na nagawa pang magsuot ng kahit na anong balabal dahil sa labis na pagmamadali. Kung ganoon ay tama nga ang hinala ko. May masamang pinaplano ang matandang iyon sa akin. Hindi ko siya kahit na kalian mapagkakatiwalaan kahit na lolo ko pa siya.
“Tara na!” Kaagad akong hinatak ni Inxs palabas ng aking silid. Mabuti na lang rin at walang nag-iikot na mga
