Acutus' POV
Dahan-dahan akong napamulat ng aking mga mata dahil sa lamig ng simoy ng hanging tumatama sa balat ko. Madilim ang paligid at animo'y nasa loob ako ng isang silid. Dahan-dahan akong tumayo at napansin ko si Immitis na natutulog sa tabi ng tila isang pintuan.
Inalala ko ang mga nangyari ngunit wala akong matandaan. Nakapagtataka tuloy.
"Immitis." Niyugyog ko pa siya kapagkuwan. Kailangan na naming magpatuloy.
"Hhmm... gising ka na pala," sabi niya habang pupungas-pungas pa ng mga mata.
"Anong nangyari?" tanong ko habang pinagmamasdan siyang kuhanin ang mga gamit niya.
"Huwag mo na alamin. Malamang epekto ng gamot ang paglimot mo sa mga nangyari kanina. Maaalala mo rin iyan mamaya. Kailangan na nating magmadali. Ilang araw na lang ang mayroon tayo," tugon niy
