Acutus’ POV
Kasalukuyan akong nakaharap ngayon kay Nitidus habang siya ay diretsong nakatingin sa akin. Habang papalapit ako sa kaniya ay hindi maalis ang pagkakatitig ko sa kaniyang maamong mukha na ngayon ay nagbago na. Ang dating masiyahin at masiglang si Nitidus, ngayon ay nabahiran na ng kasamaan. Hindi ko inasahang hahantong ang lahat sa ganitong sitwasyon.
Sa loob ng silid-kainan ay ang mahabang lamesa at mga kandila sa ibabaw nito. Ang mga pader naman ay napapalibutan ng mga sulo na pinaliliwanag ng apoy. Sa gilid ng lamesa ay mga silyang sakto sa sukat nito. Sa dulong bahagi ng lamesa, doon nakaupo si Nitidus. Sumenyas ito sa kaniyang mga kawal at kaagad ding umalis ang mga ito at naiwan kaming dalawa roon. Nakatayo lang ako habang hinihintay ang susunod niyang gagawin. Ku
